ಚುನಾವಣೆಗೆ ಸ್ಪರ್ಧಿಸಿದ ಅಭ್ಯರ್ಥಿಗಳು ಗ್ರಾಮವಾರು ಎಷ್ಟು ಮತ ಪಡೆದಿದ್ದಾರೆ ಎಂಬುದನ್ನು ಚುನಾವಣಾ ಆಯೋಗ ಹಲವು ವರ್ಷಗಳಿಂದ ಬಹಿರಂಗಪಡಿಸುತ್ತಿದೆ. ಗೆದ್ದ ಅಭ್ಯರ್ಥಿಯು ತನಗೆ ಆ ಗ್ರಾಮ ಅಥವಾ ವಾರ್ಡ್ನಿಂದ ಕಡಿಮೆ ಮತಗಳು ಬಂದಿದ್ದರೆ, ಆ ಕಾರಣಕ್ಕೆ ಅವುಗಳನ್ನು ನಿರ್ಲಕ್ಷಿಸಿದರೆ ಅದರಿಂದ ಅಭಿವೃದ್ಧಿ ಕುಂಠಿತವಾಗುವುದಲ್ಲವೇ? ಜಾತಿಯಾಧಾರಿತ ದ್ವೇಷ, ಮತ್ಸರಕ್ಕೂ ಕಾರಣವಾಗಬಹುದು. ಆದ್ದರಿಂದ ಆಯೋಗ ಈ ಸೂಕ್ಷ್ಮ ಸಮಸ್ಯೆಯನ್ನು ಅರಿತು, ಕಾನೂನಿಗೆ ತಿದ್ದುಪಡಿ ತರಲಿ. ಇಲ್ಲವಾದಲ್ಲಿ ಗುಪ್ತ ಮತದಾನಕ್ಕೆ ಬೆಲೆ ಇರುವುದಿಲ್ಲ.