‘ಶಿಕ್ಷಣದ ರಾಷ್ಟ್ರೀಕರಣ ಸುಲಭದ ಮಾತೇ?’ ಎಂದಿದ್ದಾರೆ ವೆಂಕಟೇಶ ಮಾಚಕನೂರ (ವಾ.ವಾ., ಜ.9). ನಿಜ, ಇದು ಸುಲಭದ ಮಾತಲ್ಲ. ಆದರೆ, ಅದಕ್ಕೆ ತಯಾರಿರುವುದಾಗಿ ಸ್ವತಃ ಮುಖ್ಯಮಂತ್ರಿಯೇ ಸಾಹಿತ್ಯ ಸಮ್ಮೇಳನದಲ್ಲಿ ಹೇಳಿದ್ದಾರೆ. ಶಿಕ್ಷಣದ ರಾಷ್ಟ್ರೀಕರಣ ನಾವು ತಲುಪಬೇಕಿರುವ ಗುರಿ ಆಗಿರುವುದರಿಂದ ಮುಖ್ಯಮಂತ್ರಿ ಆಶಯ ಸ್ವಾಗತಾರ್ಹವಾಗಿದೆ. ಏಕೆಂದರೆ, ಶಿಕ್ಷಣದ ರಾಷ್ಟ್ರೀಕರಣದಿಂದ ಮಾತ್ರ ನಮಗೆ ಸಮಾನ ಶಿಕ್ಷಣ ಲಭಿಸಬಹುದು. ಇದು ಆಗದ ಹೊರತು ಅಸಮಾನ ಶಿಕ್ಷಣ ಮುಂದುವರಿದು ಬಡವ, ಶ್ರೀಮಂತ ಎಂಬ ತರತಮಕ್ಕೆ ಕಾರಣವಾಗಬಹುದು.