ಭಾನುವಾರ, ಜನವರಿ 17, 2021
22 °C

ಪರಿಣಾಮಕಾರಿ ಕಲಿಕೆ ಸಾಧ್ಯ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮೈಸೂರಿನ ಕನ್ನಡ ಶಾಲೆಯೊಂದರಲ್ಲಿ ‘ಮನೆಯಲ್ಲೇ ಓದು’ ಮತ್ತು ‘ತೆರೆದ ಪುಸ್ತಕ ಪರೀಕ್ಷೆ’ಯನ್ನು ಜಾರಿಗೆ ತಂದಿರುವುದು (ಸಂಗತ, ನ. 23) ನಿಜಕ್ಕೂ ಅದ್ಭುತ! ಕೋವಿಡ್‌ನಂತಹ ವಿಷಮ ಸನ್ನಿವೇಶದಲ್ಲಿ ಶಾಲೆಗೆ ಹೋಗಿ ಪಾಠ ಕೇಳಲಾಗದ ಪರಿಸ್ಥಿತಿ ಇರುವಾಗ, ಇರುವುದರಲ್ಲೇ ಇದು ಅತ್ಯುತ್ತಮ ಮಾರ್ಗ ಎನಿಸುತ್ತದೆ.

ತೆರೆದ ಪುಸ್ತಕ ಪರೀಕ್ಷೆಯಾದರೂ ಪ್ರಶ್ನೆಗೆ ಉತ್ತರ ಹುಡುಕುವುದಕ್ಕಾಗಿ ಪಾಠ ಓದುವುದರಿಂದ ವಿಷಯದ ಆಳಕ್ಕಿಳಿಯಲು ಸಹಕಾರಿ‌. ಶಿಕ್ಷಕರು ಬರೆಸಿದ್ದನ್ನು ಉರು ಹೊಡೆದು ಬರೆಯುವುದಕ್ಕಿಂತ ಇದು ಎಷ್ಟೋ ಮೇಲು‌.

ಎಲ್ಲರ ಬಳಿಯೂ ಸ್ಮಾರ್ಟ್ ಫೋನ್ ಇಲ್ಲದಿರಬಹುದು. ಆದರೆ ಒಂದು ಹೊತ್ತಿನ ಊಟವಿಲ್ಲದ ಮನೆಯಲ್ಲೂ ಮೊಬೈಲ್ ಇರುತ್ತದೆ. ಈಗಲೂ ಶಾಲೆ ತೆರೆಯಬೇಕೋ ಬೇಡವೋ ಎಂಬ ಸಂದಿಗ್ಧ ಪರಿಸ್ಥಿತಿಯಲ್ಲಿ ಇಂತಹ ಆನ್‌ಲೈನ್, ಆಫ್‌ಲೈನ್ ತರಗತಿಗಳ ಮುಖಾಂತರ ಪರಿಣಾಮಕಾರಿ ಕಲಿಕೆ ಸಾಧ್ಯವಾಗಿಸಬಹುದು.
-ವಿಶಾಲಾಕ್ಷಿ ಶರ್ಮಾ, ಬೆಂಗಳೂರು

 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು