ವಾಚಕರ ವಾಣಿ: ಸರ್ಕಾರಿ ಖಜಾನೆ ತುಂಬಿಸುವ ಇರಾದೆ?

ಇದು ಕೇವಲ ನೋಂದಣಾ ಶುಲ್ಕ ವಸೂಲಿ ಮೂಲಕ ಸರ್ಕಾರಿ ಖಜಾನೆ ತುಂಬಿಸುವ ಇರಾದೆಯಲ್ಲದೆ ಮತ್ತೇನು? ಸರ್ಕಾರದ್ದೇ ಕಚೇರಿಗಳಿಗೆ ದ್ವಂದ್ವದ ಆದೇಶಗಳೇ? ಉಪನೋಂದಣಿ ಕಚೇರಿಗೆ ವ್ಯವಹಾರ ಸರಿ ಎನಿಸಿದ್ದು ಯೋಜನಾ ಅಭಿವೃದ್ಧಿ ಪ್ರಾಧಿಕಾರಕ್ಕೆ ಸರಿಯಲ್ಲವೇ? ನಿವೇಶನ ಖರೀದಿ ಪತ್ರಗಳಲ್ಲಿ ಯಾವ ಸರ್ವೆ ಸಂಖ್ಯೆಯಲ್ಲಿ ಬಡಾವಣೆ ನಿರ್ಮಿಸಿ ಎಷ್ಟು ನಿವೇಶನಗಳನ್ನು ವಿಂಗಡಿಸಲಾಗಿದೆ, ನಿವೇಶನದ ಸಂಖ್ಯೆ, ಚೆಕ್ಕುಬಂದಿ ವಿವರಗಳಿರುತ್ತವೆಯಲ್ಲವೇ! ಇಷ್ಟಿದ್ದೂ ಯೋಜನಾ ಅಭಿವೃದ್ಧಿ ಪ್ರಾಧಿಕಾರದ ಅನುಮತಿ ಪತ್ರ ಮತ್ತಿತರ ವಿಷಯಗಳನ್ನು ಕೂಲಂಕಷವಾಗಿ ಪರಿಶೀಲಿಸದೆ ನೋಂದಣಾಧಿಕಾರಿಗಳು ಅಂತಹ ದೋಷಪೂರಿತ ವ್ಯವಹಾರವನ್ನು ಹೇಗೆ ಅನುಮೋದಿಸಿ ನೋಂದಣಿ ಮಾಡುತ್ತಾರೆ? ಯೋಜನಾ ಅಭಿವೃದ್ಧಿ ಪ್ರಾಧಿಕಾರದ ಅಧಿಕಾರಿಗಳಿಗೆ ಮಾತ್ರ ಶಿಕ್ಷೆ, ನೋಂದಣಿ ಅಧಿಕಾರಿಗಳು ಮತ್ತು ಅಂತಹ ನಿವೇಶನಗಳನ್ನು ಮಾರಾಟ ಮಾಡಿದ ಬಡಾವಣೆ ನಿರ್ಮಾಪಕರಿಗೆ ಶಿಕ್ಷೆ ಇಲ್ಲವೇ?

-ರಮೇಶ್, ಬೆಂಗಳೂರು