ಹೋಟೆಲ್ವೊಂದರಲ್ಲಿ ಇಡ್ಲಿ ಬೇಯಿಸಲು ಪ್ಲಾಸ್ಟಿಕ್ ಹಾಳೆ ಉಪಯೋಗಿಸುವ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದಕ್ಕೆ ಅವರ ಬಳಿ ಉತ್ತರವಿರಲಿಲ್ಲ. ಅದನ್ನು ಸರಿಪಡಿಸಿಕೊಳ್ಳುವ ಆಸಕ್ತಿಯೂ ತೋರಲಿಲ್ಲ. ನಮ್ಮ ಕಣ್ಣ ಮುಂದೆಯೇ ಅವರುಪ್ಲಾಸ್ಟಿಕ್ ಹಾಳೆಯಿಂದ ತಟ್ಟೆ ಇಡ್ಲಿ ತೆಗೆಯುತ್ತಿದ್ದರೂ, ವಿದ್ಯಾವಂತ ಮಂದಿ ತಲೆ ಕೆಡಿಸಿಕೊಳ್ಳದೆ ಹಾತೊರೆದು ತಿನ್ನುವುದು ನೋಡಿ ಆಶ್ಚರ್ಯಪಟ್ಟಿದ್ದೇನೆ. ತಮ್ಮ ಅನುಕೂಲಕ್ಕೆ, ಲಾಭಕ್ಕೆ ಈ ಪ್ಲಾಸ್ಟಿಕ್ ಮಾರಿಯನ್ನು ಉಪಯೋಗಿಸುವ ಹೋಟೆಲ್ ಉದ್ಯಮ ಒಂದೆಡೆಯಾದರೆ, ಅದನ್ನು ವಿರೋಧಿಸುವ ಮನಸ್ಥಿತಿಯಿಲ್ಲದಿರುವ ಜನರು ಇನ್ನೊಂದೆಡೆ. ಹೀಗಿರುವಾಗ, ಆಹಾರ ತಯಾರಿಕೆಯಲ್ಲಿ ಹಾಗೂ ರವಾನೆಯಲ್ಲಿ ಪ್ಲಾಸ್ಟಿಕ್ ಬಳಕೆ ತಡೆಯುವುದಾದರೂ ಹೇಗೆ?