ನಾನು ಮತ್ತು ನನ್ನ ಸ್ನೇಹಿತ ಪಾಂಡವಪುರ ರೈಲ್ವೆ ನಿಲ್ದಾಣದ ಬಳಿಯ ಒಂದು ಹೋಟೆಲ್ನಿಂದ ಬೆಳಿಗ್ಗೆ ತಿಂಡಿ ತರಲು ಹೋಗಿದ್ದೆವು. 75 ವರ್ಷ ದಾಟಿರಬಹುದಾದ ವೃದ್ಧರೊಬ್ಬರು ಹೋಟೆಲ್ ಎದುರು ದಿನಪತ್ರಿಕೆ ಓದುತ್ತಿದ್ದರು. ಇಷ್ಟು ವಯಸ್ಸಾದರೂ ಕನ್ನಡಕ ಹಾಕದೆ ಪತ್ರಿಕೆಯ ಪ್ರತೀ ಸಾಲನ್ನು ಬೆರಳಿಟ್ಟು ಸರಾಗವಾಗಿ ಓದುತ್ತಿದ್ದರು. ಇದು, ನಿಜಕ್ಕೂ ಅದ್ಭುತ ಎಂದು ನಾವು ಮಾತನಾಡಿಕೊಂಡೆವು. ಅಷ್ಟರಲ್ಲಿ ಅಲ್ಲಿಗೆ ಬಂದ ಮತ್ತೊಬ್ಬ ವಯೋವೃದ್ಧರು,ಪತ್ರಿಕೆಯಲ್ಲಿದ್ದ ಸಾಲುಗಳನ್ನು ತೋರಿಸಿ, ‘ನಿಜಕ್ಕೂ ಅವರಿಗೆ ಕೊಡಬೇಕು’ ಎಂದು ಹೇಳಿದರು.