ತಮ್ಮ ರಾಜ್ಯದ ಆಡಳಿತ ಭಾಷೆಯ ಪರವಾಗಿ ನಿಲ್ಲುವುದು ಜನಪ್ರತಿನಿಧಿಗಳ ಕರ್ತವ್ಯ. ಇದರಲ್ಲಿ ರಾಜಕೀಯ ನುಸುಳಬಾರದು. ಆದರೆ, ಕೆಲವೊಂದು ಸಂದರ್ಭಗಳಲ್ಲಿ ಪಕ್ಷ ರಾಜಕಾರಣವು ಮುಖಂಡರ ಬಾಯಿ ಬಂದ್ ಮಾಡಿಸುತ್ತದೆ. ಭಾಷೆಯ ವಿಚಾರದಲ್ಲಿ ಯಾವುದೇ ಕಾರಣಕ್ಕೆ ರಾಜಿ ಮಾಡಿಕೊಳ್ಳಬಾರದು. ನಿಷ್ಠುರ ನಿಲುವು ತಳೆಯುವುದು ಅಗತ್ಯ. ಅಂತಹ ದೃಢ ನಿಲುವು ತಳೆಯುವಂತೆ ಜನರು ಒತ್ತಡ ಹೇರಬೇಕು. ಪ್ರಾದೇಶಿಕ ಭಾಷೆಗಳ ಹಿತಕ್ಕೆ ಧಕ್ಕೆ ಆಗುವ ಎಂತಹುದೇ ನಡೆಯನ್ನು ಗಟ್ಟಿಯಾಗಿ ವಿರೋಧಿಸಬೇಕು.
