ಆರೋಪಿಗಳ ತಾಯಂದಿರ ಸಮಂಜಸ ನಡೆ

ನಿರ್ಭಯಾ ಪ್ರಕರಣ ಜನರ ಮನಸ್ಸಿನಿಂದ ದೂರವಾಗುವ ಮೊದಲೇ ಹೈದರಾಬಾದ್‌ನಲ್ಲಿ ಪಶುವೈದ್ಯೆಯ ಮೇಲೆ ನಡೆದ ರಾಕ್ಷಸೀ ಕೃತ್ಯವನ್ನು ಯಾವ ನಾಗರಿಕ ಸಮಾಜವೂ ಕ್ಷಮಿಸುವುದಿಲ್ಲ. ದೇಶದಾದ್ಯಂತ ನಿತ್ಯ ಹಲವು ಪ್ರಕರಣಗಳು ಘಟಿಸುತ್ತಿದ್ದರೂ ಬೆಳಕಿಗೆ ಬಂದು ಸುದ್ದಿಯಾಗುವುದು ಕೆಲವು ಮಾತ್ರ. ಹೆಣ್ಣನ್ನು ಮಾತೃ ಸ್ವರೂಪದಲ್ಲಿ ಭಾವಿಸುವ, ಗೌರವಿಸುವ ಭಾರತೀಯ ಪರಂಪರೆಯಲ್ಲಿ, ಇಡೀ ಜಗತ್ತಿಗೆ ನಾಗರಿಕತೆಯ ಪಾಠ ಹೇಳಿದ ಈ ನೆಲದಲ್ಲಿ ಹೆಣ್ಣಿಗೆ ರಕ್ಷಣೆ ಇಲ್ಲದಿರುವುದು ನಿಜಕ್ಕೂ ನಾಚಿಕೆಗೇಡು ಮತ್ತು ವಿಷಾದನೀಯ. ನಮ್ಮ ಸಮಾಜ ಇಂತಹ ಸ್ಥಿತಿ ತಲುಪಿರುವುದೇಕೆ ಎಂಬ ಬಗ್ಗೆ ಆತ್ಮವಿಮರ್ಶೆ ಮಾಡಿಕೊಳ್ಳಬೇಕಿದೆ.