ಪ್ರವಾಹ ವೇಳೆ ವಿಮಾನ ಪ್ರಯಾಣದ ದರ ಹೆಚ್ಚಳ ಅಮಾನವೀಯ

7

ಪ್ರವಾಹ ವೇಳೆ ವಿಮಾನ ಪ್ರಯಾಣದ ದರ ಹೆಚ್ಚಳ ಅಮಾನವೀಯ

Published:
Updated:

ಅತಿವೃಷ್ಟಿ ಮತ್ತು ನೆರೆಯಿಂದಾಗಿ ಕೇರಳ ರಾಜ್ಯಕ್ಕೆ ರಸ್ತೆ ಮತ್ತು ರೈಲು ಸಂಪರ್ಕ ಸಂಪೂರ್ಣವಾಗಿ ಕಡಿತವಾಗಿದೆ. ಇಂಥ ಸಂದರ್ಭದಲ್ಲಿ ಪ್ರಯಾಣಿಕರ ಅಸಹಾಯಕತೆಯನ್ನು ಲಾಭಕ್ಕಾಗಿ ಬಳಸಿಕೊಳ್ಳಲು ಮುಂದಾಗಿರುವ ಕೆಲವು ವಿಮಾನಯಾನ ಸಂಸ್ಥೆಗಳು, ಪ್ರಯಾಣದ ದರವನ್ನು ಹಲವುಪಟ್ಟು ಏರಿಸಿರುವುದು ಈ ದೇಶದಲ್ಲಿ ಮಾನವೀಯತೆ ಅಧಃ ಪತನಗೊಂಡಿರುವುದಕ್ಕೆ ಉದಾಹರಣೆಯಾಗಿದೆ.

ಇಂಥ ಸಂದರ್ಭದಲ್ಲಿ ಪ್ರಯಾಣ ದರವನ್ನು ಇಳಿಸುವ ಮೂಲಕ ವಿಮಾನಯಾನ ಸಂಸ್ಥೆಗಳು ಮಾನವೀಯತೆಯನ್ನು ಮೆರೆಯಬಹುದಾಗಿತ್ತು. ವರ್ಷಗಳ ಹಿಂದೆ ಉತ್ತರಾಖಂಡದಲ್ಲಿ ಇಂಥ ನೈಸರ್ಗಿಕ ವಿಪತ್ತು ಸಂಭವಿಸಿದಾಗ, ಒಂದು ಬಾಟಲ್ ಕುಡಿಯುವ ನೀರಿಗೆ ₹ 300 ಕೇಳಿದ ಘಟನೆ ಮತ್ತು ಹಬ್ಬ ಹರಿದಿನಗಳ ಸಂದರ್ಭದಲ್ಲಿ ಪ್ರಯಾಣ ದರವನ್ನು ಬೇಕಾಬಿಟ್ಟಿ ಏರಿಸುವ ಬಸ್ಸುಗಳ ಮಾಲೀಕರ ದುರಾಸೆ ಸಹ ಅಮಾನವೀಯವೇ ಆಗಿವೆ. ಈ ಹಗಲು ದರೋಡೆಯನ್ನು ನೋಡಿಯೂ ಸರ್ಕಾರ ಕಣ್ಣುಮುಚ್ಚಿ ಕುಳಿತಿರುವುದು ದುರ್ದೈವ. ಸಂಕಷ್ಟದಲ್ಲೂ ಲಾಭಕೋರತನ ಪ್ರದರ್ಶಿಸುವ ಇಂಥ ಧೋರಣೆ ಖಂಡನಾರ್ಹ.

-ರಮಾನಂದ ಶರ್ಮಾ, ಬೆಂಗಳೂರು

Tags: 

ಬರಹ ಇಷ್ಟವಾಯಿತೆ?

  • 2

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !