ಈಗ ಸೇನೆಯಲ್ಲಿ ಸೇವೆ ಸಲ್ಲಿಸುವವರು ಭವಿಷ್ಯನಿಧಿ, ಗ್ರ್ಯಾಚುಯಿಟಿ, ಮುಂಬಡ್ತಿ, ರಜಾ ಸೌಲಭ್ಯಗಳನ್ನು ಪಡೆಯುತ್ತಿದ್ದಾರೆ. 15– 20 ವರ್ಷಗಳ ನಂತರ ರಾಜೀನಾಮೆ ನೀಡಿ ಹೊರಬರುವ ಮತ್ತು ‘ಮಾಜಿ ಯೋಧರಿಗೆ ಮೀಸಲಾತಿ’ ಅಡಿಯಲ್ಲಿ ಸರ್ಕಾರಿ, ಸಾರ್ವಜನಿಕ ವಲಯಗಳಲ್ಲಿ ಉದ್ಯೋಗ ಪಡೆಯುವ ಸೌಲಭ್ಯವನ್ನು ಅವರು ಹೊಂದಿದ್ದಾರೆ. ನಿವೃತ್ತಿಯವರೆಗೂ ಸೇವೆ ಸಲ್ಲಿಸುವ ಅವಕಾಶ ಸಹ ಇದೆ. ಯೋಧರಿಗೆ ದೊರೆಯುತ್ತಿದ್ದ ಇಂತಹ ಸೌಲಭ್ಯಗಳನ್ನು ಕಸಿದುಕೊಳ್ಳುವ ಈ ಹೊಸ ಯೋಜನೆಯು ಸರ್ಕಾರದ ದಿವಾಳಿಕೋರ ಮನಃಸ್ಥಿತಿಯನ್ನು ಬಯಲು ಮಾಡಿದೆ.