ಇತ್ತೀಚೆಗೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ವಿಡಿಯೊ ಒಂದರಲ್ಲಿ ಹೆಣ್ಣು ಮಗಳೊಬ್ಬಳು ತನ್ನನ್ನು ರಕ್ಷಿಸಿದ ಸೈನಿಕನ ಕಾಲು ಮುಟ್ಟಿ ನಮಸ್ಕರಿಸಿರುವುದು, ಸೈನಿಕರು ಮಾಡುತ್ತಿರುವ ರಕ್ಷಣಾ ಕಾರ್ಯದ ಮಹತ್ವವನ್ನು ತಿಳಿಸುತ್ತದೆ. ಈ ಸೈನಿಕರೆಲ್ಲಾ ಯಾವುದೋ ಒಂದು ಪ್ರಶಸ್ತಿಗಾಗಿಯೋ, ಹಣಕ್ಕಾಗಿಯೋ, ಪ್ರಚಾರಕ್ಕಾಗಿಯೋ ರಕ್ಷಣಾ ಕಾರ್ಯ ಮಾಡದೆ, ತಮ್ಮ ಪ್ರಾಣವನ್ನೇ ಪಣಕ್ಕಿಟ್ಟು, ಜಾತಿ ಧರ್ಮ, ಭಾಷೆ, ಪ್ರಾಂತ್ಯಗಳ ಭೇದ ಮಾಡದೆ, ತಮಗೇನೇನೂ ಸಂಬಂಧಪಡದ ವ್ಯಕ್ತಿಗಳ ಜೀವವನ್ನು ಉಳಿಸುತ್ತಿದ್ದಾರೆ. ಶವಗಳನ್ನೂ ಹುಡುಕಿ ಸಂಬಂಧಪಟ್ಟವರಿಗೆ ತಲುಪಿಸುವ ಕಾರ್ಯ ಮಾಡುತ್ತಾ, ಇವೆಲ್ಲ ತಮ್ಮ ಕರ್ತವ್ಯವಷ್ಟೆ ಎಂಬಂತೆ ನಡೆದುಕೊಳ್ಳುವ ನಮ್ಮ ಸೈನಿಕರ ಬಗ್ಗೆ ಹೆಮ್ಮೆಯಾಗುತ್ತಿದೆ.