ಗುಂಡಿಡುವ ಆದೇಶ ಎಷ್ಟು ಸರಿ?

ಆದರೆ ಚಿರತೆಗಳೇಕೆ ನರಹಂತಕಗಳಾಗಿ ಬದಲಾಗುತ್ತವೆ ಎಂಬ ಪ್ರಶ್ನೆಗೆ ಉತ್ತರ ಕಂಡುಕೊಳ್ಳಬೇಕಾದ ಅವಶ್ಯಕತೆ ಇದೆ. ಇಂತಹ ಸ್ಥಿತಿಗೆ ನೇರ ಕಾರಣ ಅರಣ್ಯ ನಾಶ, ನದಿಮೂಲಗಳ‌ ನಾಶ, ಅರಣ್ಯದೊಳಗೆ ನಡೆಯುವ ಗಣಿಗಾರಿಕೆ, ಒತ್ತುವರಿ, ಚಿರತೆಗಳ ಆವಾಸಸ್ಥಾನಕ್ಕೆಧಕ್ಕೆ ಮುಂತಾದವು. ಇವುಗಳನ್ನು ತಡೆಯದಿದ್ದರೆ ಮಾಂಸಾಹಾರಿ ಪ್ರಾಣಿಗಳು ನರಹಂತಕಗಳಾಗಿ ಬದಲಾಗುತ್ತವೆ. ಚಿರತೆಗಳನ್ನು ಹೀಗೆ ನಾವೇ ನರಹಂತಕಗಳಾಗಿ ಬದಲಾಯಿಸಿ, ಈಗ ಕಂಡಲ್ಲಿ ಗುಂಡಿಡಲು ನಾವೇ ಆದೇಶಿಸುವುದು ಎಷ್ಟು ಸರಿ?

ಆದ್ದರಿಂದ ಚಿರತೆಗೆ ಕಂಡಲ್ಲಿ ಗುಂಡಿಡುವ ಬದಲು, ಅರಿವಳಿಕೆ ನೀಡಿ ಜೀವಂತವಾಗಿ ಸೆರೆಹಿಡಿಯಲು ಆದೇಶಿಸಬೇಕು. ಹೀಗೆ ಹಿಡಿಯಲಾದ ಚಿರತೆಯನ್ನು ಬೇರೆ ಕಾಡಿಗೆ ವರ್ಗಾಯಿಸದೇ ಪ್ರಾಣಿ ಸಂಗ್ರಹಾಲಯದಲ್ಲಿ ಆಶ್ರಯ ಕಲ್ಪಿಸಬೇಕು. ಅದನ್ನು ಬಿಟ್ಟು, ಮನುಷ್ಯರಿಗೆ ತೊಂದರೆ ನೀಡುತ್ತವೆ ಎಂಬ ಕಾರಣಕ್ಕೆ ಪ್ರತಿ ಪ್ರಾಣಿಗೂ ಕಂಡಲ್ಲಿ ಗುಂಡಿಡುತ್ತಾ ಹೋದರೆ ಅದಕ್ಕೆ ಕೊನೆಯೆಲ್ಲಿದೆ?
-ಮಹೇಶ್ವರ ಹುರುಕಡ್ಲಿ, ಬಾಚಿಗೊಂಡನಹಳ್ಳಿ