ಶಿಕ್ಷಕರು ಹಾಗೂ ಶಿಕ್ಷಣ ಪ್ರೇಮಿಗಳು ಸ್ವಯಂಪ್ರೇರಣೆಯಿಂದ 5-10 ನಿಮಿಷಗಳ ವಿಡಿಯೊ ಸಿದ್ಧಪಡಿಸುವಂತೆ ಶಿಕ್ಷಣ ಸಚಿವರು ಮನವಿ
ಮಾಡಿದ್ದಾರೆ. ಬಹುತೇಕರಿಗೆ ಥೀಮ್ ಗೊತ್ತಿದ್ದರೂ ಕಿರುಚಿತ್ರ ತಯಾರಿಸುವ ಕ್ರಿಯಾಶೀಲ ತಂತ್ರಜ್ಞಾನ ಗೊತ್ತಿರಲಾರದು. ಹೀಗಾಗಿ, ಯಾವ ಪರಿಕಲ್ಪನೆಯ ಥೀಮ್‌ಗಳನ್ನು ಆಧರಿಸಿ ವಿಡಿಯೊಗಳನ್ನು ಹೇಗೆ ರೂಪಿಸಬೇಕು ಎನ್ನುವ ನೀಲನಕ್ಷೆ ಸಿದ್ಧಪಡಿಸಿಕೊಳ್ಳುವುದು ಉತ್ತಮ. ಜೊತೆಗೆ ಈ ವಿಡಿಯೊಗಳು ಬರೀ ಮಾಹಿತಿ ಬಿತ್ತರಿಸುತ್ತಾ ಬೋರ್ ಹೊಡೆಸುವಂತೆ ಇರಬಾರದು. ಆಟ, ಮೋಜು, ಪರಸ್ಪರ ಸಂವಹನ ಸಾಧ್ಯವಾದರೆ, ಮಕ್ಕಳು ಆಸಕ್ತಿ, ಕುತೂಹಲದಿಂದ ನೋಡುತ್ತಾರೆ.
