ಗುರುವಾರ , ಜುಲೈ 29, 2021
27 °C

ಪಾಲಿಕೆಗೊಂದು ಪರೋಕ್ಷ ಕಾನೂನಿದೆಯೇ?

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೃಹತ್‌ ಬೆಂಗಳೂರು ಮಹಾನಗರಪಾಲಿಕೆಯು (ಬಿಬಿಎಂಪಿ) ಸ್ವಚ್ಛತೆ ಕಾಪಾಡುವುದಕ್ಕೆ ಸಂಬಂಧಿಸಿದ ನಿಯಮವನ್ನು ಕಟ್ಟುನಿಟ್ಟಾಗಿ ಜಾರಿಗೆ ತಂದು, ತಪ್ಪಿದರೆ ದಂಡ ವಿಧಿಸುವುದಾಗಿ ಪ್ರಕಟಿಸಿದೆ. ಇದು ಸರಿಯಾಗಿಯೇ ಇದೆ. ಆದರೆ ಸಾರ್ವಜನಿಕ ಸ್ವಚ್ಛತೆ ಕಾಪಾಡುವ ಕೆಲಸವು ನಾಗರಿಕರು ಮತ್ತು ಪಾಲಿಕೆಯವರು ಎರಡೂ ಕಡೆಯಿಂದ ಆಗಬೇಕಲ್ಲವೇ?

ಕಸವನ್ನು ಎರಡು, ಮೂರು ಅಥವಾ ಕೆಲವು ಬಾರಿ ನಾಲ್ಕು ದಿನಗಳಿಗೊಮ್ಮೆ ಸಂಗ್ರಹಿಸುವುದು, ಒಣ ಕಸ ಮತ್ತು ಹಸಿ ಕಸವನ್ನು ಒಟ್ಟಿಗೆ ಒಂದೇ ವಾಹನದಲ್ಲಿ ಒಯ್ಯುವುದು, ಒಯ್ಯುವಾಗ ರಸ್ತೆಯಲ್ಲೆಲ್ಲಾ ಚೆಲ್ಲುವುದು, ಎಷ್ಟೋ ಕಡೆ ರಸ್ತೆ ಸ್ವಚ್ಛತೆ ಹಾಗೂ ಕೊಳೆಗೇರಿಗಳ ಸ್ವಚ್ಛತೆಗೆ ಗಮನಹರಿಸದಿರುವುದು... ಇಂತಹ ಎಡವಟ್ಟುಗಳು ಒಂದೇ ಎರಡೇ. ಪಾಲಿಕೆಯವರು ತಮ್ಮಲ್ಲಿನ ಇಂತಹ ಲೋಪದೋಷಗಳನ್ನು ಸರಿಪಡಿಸಿಕೊಳ್ಳದೇ ನಿವಾಸಿಗಳನ್ನು ಬೆದರಿಸುವುದು ಯಾವ ನ್ಯಾಯ? ನಗರವಾಸಿಗಳಿಗೊಂದು ಪ್ರತ್ಯಕ್ಷ ಕಾನೂನು, ಆಡಳಿತ ವ್ಯವಸ್ಥೆಗೊಂದು ಪರೋಕ್ಷ ಕಾನೂನು ಇರುತ್ತದೆಯೇ?

ಕೆ.ಎಸ್.ಜೆ.ಗುಪ್ತ, ಬೆಂಗಳೂರು

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.