ಸ್ವಯಂ ‘ಬಂಧನ’ ಅಗತ್ಯವೇ?

ಯಾವುದೇ ಮದುವೆ, ಶಾಲಾ ಕಾಲೇಜಿನ ಸಮಾರಂಭ ಅಥವಾ ಧಾರ್ಮಿಕ ಕಾರ್ಯಕ್ರಮಗಳನ್ನು ಗಮನಿಸಿದರೆ, ಹುಡುಗರು ಸ್ಪೋರ್ಟ್ಸ್‌ ಶೂಸ್ ಹಾಕಿಕೊಂಡು ಭರ್‍ರನೆ ಅತ್ತಿಂದಿತ್ತ ಓಡಾಡುತ್ತಿದ್ದರೆ, ಹುಡುಗಿಯರು ಹೈ ಹೀಲ್ಡ್‌ ಚಪ್ಪಲಿ ಹಾಕಿಕೊಂಡು ಕುಂಟುತ್ತಾ ನಡೆದಾಡುತ್ತಿರುತ್ತಾರೆ. ಕೆಲವೊಮ್ಮೆ ಮುಗ್ಗರಿಸಿ ಬೀಳುವುದೂ ಉಂಟು. ಗಂಡಸರು ಪ್ಯಾಂಟ್, ಶರ್ಟ್ ಧರಿಸಿ ಆರಾಮವಾಗಿ ಇರುತ್ತಾರೆ. ಹೆಣ್ಣುಮಕ್ಕಳು ಮಾತ್ರ ತಮ್ಮ ಸ್ವತಂತ್ರ ಚಲನೆಗೆ ಅಡ್ಡಿಯಾಗುವ, ದೈಹಿಕ ಹಿಂಸೆ ನೀಡುವ ದುಬಾರಿ ಸೀರೆ, ಬಳೆಯಂತಹ ವಸ್ತುಗಳಿಂದ ಬಂಧಿಸಿಕೊಂಡಿರುತ್ತಾರೆ. ಕೆಲವೊಮ್ಮೆ ಇವು ಅಪಾಯಕಾರಿಯೂ ಆಗುತ್ತವೆ.