ವಿಪರ್ಯಾಸವೆಂದರೆ, ರಾಜಕೀಯ ಮೆರವಣಿಗೆಗಳು ಸೇರಿದಂತೆ ಹಲವೆಡೆ ಕೋವಿಡ್ ನಿಯಮಗಳನ್ನು ಗಾಳಿಗೆ ತೂರಿ ಜನ ದಟ್ಟೈಸುತ್ತಿದ್ದರೂ ಮಗುಮ್ಮಾಗಿರುವ ಸರ್ಕಾರ, ಕೇವಲ ಮಾಲ್ ಹಾಗೂ ಚಿತ್ರಮಂದಿರಗಳಲ್ಲಿ ಶೇ 50ರಷ್ಟು ಪಾಲ್ಗೊಳ್ಳುವಿಕೆಗಷ್ಟೇ ಅವಕಾಶ ನೀಡಿದೆ. ಚಿತ್ರ ತಯಾರಕರು, ಚಿತ್ರಮಂದಿರ ಸಿಬ್ಬಂದಿ, ಕಾರ್ಮಿಕರಂತಹ ಸಹಸ್ರಾರು ಜನರ ಹಿತದೃಷ್ಟಿಯಿಂದ ತಕ್ಷಣ ಚಿತ್ರಮಂದಿರಗಳಿಗೆ ಪೂರ್ಣ ಪ್ರಮಾಣದ ಪ್ರೇಕ್ಷಕರೊಂದಿಗೆ ಚಿತ್ರ ಪ್ರದರ್ಶನ ಆರಂಭಿಸಲು ಮುಖ್ಯಮಂತ್ರಿ ಆದೇಶ ನೀಡಬೇಕು.