ಧ್ವನಿವರ್ಧಕ: ಒಂದು ವ್ಯಾಧಿ!

ಎಲ್ಲರೂ ಧರ್ಮಕ್ಕೆ, ಜಾತಿಗೆ, ಪ್ರಭಾವಕ್ಕೆ ಮಣಿಯುತ್ತಲೇ ಕೈ ಕಟ್ಟಿ ಕುಳಿತಿದ್ದಾರೆ. ಇಲ್ಲಿ ಕಾನೂನುಗಳು ಕಾಲು ಮುರಿದುಕೊಂಡು ಕುಳಿತಿವೆ. ಶಬ್ದಮಾಲಿನ್ಯದ ದುಷ್ಪರಿಣಾಮಗಳನ್ನು ಯಾರೂ ಗಂಭೀರವಾಗಿ
ತೆಗೆದುಕೊಳ್ಳದಿರುವುದು ಈ ದೇಶದ ನಾಗರಿಕರ ದುರದೃಷ್ಟ. ಸ್ವಾತಂತ್ರ್ಯದ ಅರ್ಥ ಸ್ವೇಚ್ಛೆ ಎಂಬಲ್ಲಿಗೆ ಬಂದು ನಿಂತಿದೆ. ಅವೇಳೆಯಲ್ಲಿ ಧ್ವನಿವರ್ಧಕಗಳನ್ನು ವಿವೇಚನೆ ಇಲ್ಲದೆ ದೊಡ್ಡ ಧ್ವನಿಯಲ್ಲಿ ಬಳಸುತ್ತಾ ವಿಕೃತವಾಗಿ ಸುಖಿಸುವ ಪರಿಪಾಟಕ್ಕೆ ಕೊನೆ ಬೇಕು.

ಎಂ.ಕೆ.ವಾಸುದೇವರಾಜು,ಮೈಸೂರು