ಪ್ರಕಟವಾಗುವ ಪುಸ್ತಕಗಳ ಮಾಹಿತಿ, ಅದರ ಪರಿಚಯ ಮತ್ತು ದೊರಕುವ ಸ್ಥಳದ ವಿವರವನ್ನು ಓದುಗರಿಗೆ ಒದಗಿಸುವ ವ್ಯವಸ್ಥೆಯೇ ಇಲ್ಲದಿರುವುದೂ ಮತ್ತೊಂದು ಕಾರಣ. ಕನ್ನಡ ಸಾಹಿತ್ಯ ಪರಿಷತ್ ಈಗಲಾದರೂ ಇದನ್ನು ಗಮನಿಸಿ ರಾಜ್ಯದಾದ್ಯಂತ ಇರುವ ಪರಿಷತ್ತಿನ ಶಾಖೆಗಳಲ್ಲಿ ಪುಸ್ತಕ ಮಾರಾಟ ಮಳಿಗೆ ತೆರೆಯಲು ಸಾಧ್ಯವೇ ಪರಿಶೀಲಿಸಬೇಕು. ಇನ್ನು ಬಹುಮುಖ್ಯವಾಗಿ, ಪ್ರಕಟವಾದ ಪುಸ್ತಕಗಳು, ಅದರ ಪರಿಚಯ, ಅದು ಸಿಗುವ ಸ್ಥಳ ತಿಳಿಸುವ ‘ಪುಸ್ತಕ ಪರಿಚಯ’ ಮಾಸಿಕವನ್ನು ಪ್ರಕಟಿಸಲಿ. ಇದರಿಂದ ನಿಜದಲ್ಲಿ ಕನ್ನಡ ಪುಸ್ತಕ ಕೊಳ್ಳುವ, ಓದುವ ಹವ್ಯಾಸಕ್ಕೆ ಕಾಯಕಲ್ಪವಾಗುತ್ತದೆ.