ಮುಖ್ಯವಾಗಿ, ಅಪಘಾತಗಳಾಗುತ್ತಿರುವುದು ರಸ್ತೆಯಲ್ಲಿನ ಅವೈಜ್ಞಾನಿಕ ಉಬ್ಬುಗಳು, ಗುಂಡಿಗಳು, ಅಸಮರ್ಪಕ ಸಂಕೇತಸೂಚಕ ಫಲಕಗಳ ಅಳವಡಿಕೆಯಂತಹ ಕಾರಣಗಳಿಂದ ಎಂಬುದನ್ನು ಗಮನಿಸಬೇಕಿದೆ. ರಸ್ತೆಗಳನ್ನು ಸರಿಪಡಿಸದೆ, ತರಹೇವಾರಿ ಅತ್ಯಧಿಕ ವೇಗದ ವಾಹನಗಳನ್ನು ಉತ್ಪಾದಿಸುತ್ತಿದ್ದರೆ, ಸ್ಪರ್ಧೆಗೆ ಬಿದ್ದವರಂತೆ ಪ್ರಖರ ಹೆಡ್ಲೈಟುಗಳನ್ನು ಬಳಸಲು ಅವಕಾಶ ನೀಡುತ್ತಿದ್ದರೆ, ಪ್ರತಿಯೊಂದು ವಾಹನದ ಹಿಂಭಾಗ ಮತ್ತು ಮುಂಭಾಗದಲ್ಲಿ ಪ್ರತಿಫಲಕಗಳನ್ನು ಅಳವಡಿಸದೇ ಇದ್ದರೆ ಅಪಘಾತಗಳು ಹೇಗೆ ಕಡಿಮೆಯಾದಾವು? ಸೀಟು ಬೆಲ್ಟ್ ಕಡ್ಡಾಯದ ಜೊತೆಗೆ ಈ ಅಂಶಗಳತ್ತಲೂ ಗಮನಹರಿಸಿದರೆ ಸಾರಿಗೆ ಸಚಿವರು ಜನಸಾಮಾನ್ಯರ ಬಗ್ಗೆ ಹೊಂದಿರುವ ಕಳಕಳಿಗೆ ಅರ್ಥ ಬರುತ್ತದೆ.