ಕಾರಿನಲ್ಲಿ ಟೆಕಿ ಆತ್ಮಹತ್ಯೆ’ ಕುರಿತ ದುರದೃಷ್ಟಕರ ಸಂಗತಿಯನ್ನು ಎಲ್ಲ ಮಾಧ್ಯಮಗಳೂ ವಿವರವಾಗಿ
ನಿನ್ನೆ ಪ್ರಕಟಿಸಿವೆ. ಇಂಥ ವರದಿಗಳಿಂದ ಸಮಾಜಕ್ಕೆ ಯಾವ ಉತ್ತಮ ಪಾಠವೂ ಸಿಗುವುದಿಲ್ಲ. ಆತ್ಮಹತ್ಯೆಯ ಸುದ್ದಿಯನ್ನು ಹೇಗೆ ವರದಿ ಮಾಡಬಾರದು ಎಂಬುದರ ಬಗ್ಗೆ ವಿಶ್ವ ಆರೋಗ್ಯ ಸಂಸ್ಥೆಯುಮಾಧ್ಯಮದವರಿಗೆಂದೇ ವಿಶೇಷ ಮಾರ್ಗಸೂಚಿಯನ್ನು ಆಗಾಗ ಪ್ರಕಟಿಸುತ್ತಿರುತ್ತದೆ. ಅದರ ಪ್ರಕಾರ, ಒಬ್ಬ ವ್ಯಕ್ತಿ ಹೇಗೆ ಆತ್ಮಹತ್ಯೆ ಮಾಡಿಕೊಂಡ ಎಂಬುದನ್ನು ಪ್ರಕಟಿಸಬಾರದು. ಇಂಥ ವರದಿ ಪ್ರಕಟವಾದಾಗಲೆಲ್ಲ ಇದನ್ನೇ ಅನುಕರಿಸಿದ ಸರಣಿ ಆತ್ಮಹತ್ಯೆಗಳು ಅದೆಷ್ಟೊ ಬಾರಿ ಸಂಭವಿಸಿವೆ. ತಾತ್ಕಾಲಿಕ ಖಿನ್ನತೆಯಿಂದ ಬಳಲುವ
ವ್ಯಕ್ತಿಗಳು ತಮ್ಮ ಪ್ರಾಣತ್ಯಾಗಕ್ಕೆ ನೋವಿಲ್ಲದ, ಸುಲಭ ಉಪಾಯವನ್ನು ಹುಡುಕುತ್ತಿರುತ್ತಾರೆ.