ಉತ್ತರ ಪ್ರದೇಶದಲ್ಲಿನ ಚುನಾವಣಾ ಸಂದರ್ಭದಲ್ಲಿ ಹುಟ್ಟಿಕೊಂಡಿರುವ ಅಭಿವೃದ್ಧಿ ಮಾದರಿ ತಾಳೆ ಕುರಿತ ವರದಿಯಿಂದ (ಪ್ರ.ವಾ., ಫೆ. 16) ಕರ್ನಾಟಕ ಅನೇಕ ಪಾಠಗಳನ್ನು ಕಲಿಯಬಹುದಾಗಿದೆ. ದೇಶದಲ್ಲಿ ಅಭಿವೃದ್ಧಿಯ ಯಾವುದೇ ಸೂಚಿಯನ್ನು ತೆಗೆದುಕೊಂಡರೂ ಕೇರಳವು ಅನೇಕ ದಶಕಗಳಿಂದಲೂ ಮುಂಚೂಣಿಯಲ್ಲಿರುವುದು ದಾಖಲಾಗಿದೆ. ಇದು ಮಾನವ ಅಭಿವೃದ್ಧಿಯಲ್ಲಿನ ಸಾಧನೆ ಮಾತ್ರವಲ್ಲ. ಕೇರಳದ ತಲಾ ವರಮಾನ 2019-20ರಲ್ಲಿ ₹ 2.22 ಲಕ್ಷವಿದ್ದರೆ ಗುಜರಾತಿನಲ್ಲಿ ಇದು ₹ 2.14 ಲಕ್ಷವಿದೆ. ಉತ್ತರಪ್ರದೇಶದ ತಲಾ ವರಮಾನ ₹ 65,704. ಇದು ಕೇರಳದ ತಲಾ ವರಮಾನದ ಶೇ 30ರಷ್ಟಾಗುತ್ತದೆ.