ಕಿಶೋರಿಯರಿಗೆ ಉಚಿತವಾಗಿ ಸ್ಯಾನಿಟರಿ ಪ್ಯಾಡ್ ವಿತರಿಸುವ ಯೋಜನೆ ಸ್ಥಗಿತಗೊಂಡಿರುವ ಬಗ್ಗೆ ದೀಪಾ ಹಿರೇಗುತ್ತಿ ಅವರು ತಿಳಿಸಿಕೊಟ್ಟಿರುವುದು (ಸಂಗತ, ಜ. 19) ಅಭಿನಂದನೀಯ. ಆದರೆ ಈಗೀಗ ಹೆಚ್ಚುತ್ತಿರುವ ಮಾಲಿನ್ಯಕ್ಕೆ ಸಾನಿಟರಿ ಪ್ಯಾಡ್ ಕೂಡ ಒಂದು ಕಾರಣ ಆಗಿದೆ. ಆದ್ದರಿಂದ ನಮ್ಮ ಹೆಣ್ಣು ಮಕ್ಕಳಿಗೆ ಪೀರಿಯಡ್ ಕಪ್‌ನ ಬಗ್ಗೆ ಮಾಹಿತಿ ಒದಗಿಸಿ, ಅವರು ಅದನ್ನು ಬಳಸುವಂತಾದರೆ, ಸ್ಯಾನಿಟರಿ ಪ್ಯಾಡ್‌ಗಳಿಂದ ಮುಕ್ತಿ ದೊರೆತಂತೆ ಆಗುತ್ತದೆ. ಕೇರಳದ ಕುಂಬಳಗಿ ಎಂಬಲ್ಲಿ ಇಡೀ ಗ್ರಾಮವೇ ಪೀರಿಯಡ್ ಪ್ಯಾಡ್‌ಮುಕ್ತ ಗ್ರಾಮವಾಗಿದೆ.
