ಯಾಕೆ ಮುಚ್ಚುಮರೆ?

7

ಯಾಕೆ ಮುಚ್ಚುಮರೆ?

Published:
Updated:

ರಷ್ಯಾದ ಅಧ್ಯಕ್ಷ ಪುಟಿನ್ ಭಾರತಕ್ಕೆ ಬಂದ ಸಂದರ್ಭದಲ್ಲಿ ರಷ್ಯಾದಿಂದ ‘ಎಸ್‌-400’ ಕ್ಷಿಪಣಿ ವಾಯು ರಕ್ಷಣಾ ವ್ಯವಸ್ಥೆ ಖರೀದಿ ಒಪ್ಪಂದಕ್ಕೆ ಎರಡೂ ರಾಷ್ಟ್ರಗಳು ಸಹಿ ಮಾಡಿದವು. ಈ ಸಂದರ್ಭದಲ್ಲಿ ಕ್ಷಿಪಣಿಗಳ ಬೆಲೆ ಮತ್ತು ಅವುಗಳ ತಾಂತ್ರಿಕ ವಿವರಗಳನ್ನು ಸರ್ಕಾರವೇ ಮಾಧ್ಯಮಗಳಿಗೆ ಬಿಡುಗಡೆ ಮಾಡಿದೆ.

ಈ ಮಾಹಿತಿಯು ನಮ್ಮ ವೈರಿ ದೇಶಗಳಿಗೂ ಸಿಗುವುದರಿಂದ ನಮ್ಮ ರಕ್ಷಣಾ ವ್ಯವಸ್ಥೆಗೆ ಅಪಾಯ ಇಲ್ಲವೇ? ಈ ಪ್ರಶ್ನೆಯನ್ನು ಯಾಕೆ ಕೇಳಬೇಕಾಯಿತು ಎಂದರೆ, ಫ್ರಾನ್ಸ್‌ನಿಂದ ಭಾರತ ಖರೀದಿಸಿರುವ 36 ರಫೇಲ್ ಯುದ್ಧವಿಮಾನಗಳ ನಿಖರ ಬೆಲೆಯನ್ನು ಬಹಿರಂಗಪಡಿಸಲು ಸರ್ಕಾರ ತಯಾರಿಲ್ಲ. ಆದರೆ ಎಸ್‌–400 ಕ್ಷಿಪಣಿಯ ಬೆಲೆ ಮಾತ್ರವಲ್ಲ ತಾಂತ್ರಿಕ ವಿವರಗಳನ್ನೂ ಬಿಡುಗಡೆ ಮಾಡಿದೆ. ರಫೇಲ್ ಬಗ್ಗೆ ಮಾತ್ರ ಅಷ್ಟೊಂದು ಮುಚ್ಚುಮರೆ ಯಾಕೆ?

ಶಸ್ತ್ರಾಸ್ತ್ರಗಳ ತಾಂತ್ರಿಕ ವಿವರಗಳನ್ನು ಜನರಿಗೆ ಕೊಡಬೇಕಿಲ್ಲ ನಿಜ, ಆದರೆ ಖರೀದಿಗೆ ಮಾಡಿದ ವೆಚ್ಚದ ವಿವರ ಕೇಳುವ ಹಕ್ಕು ಪ್ರಜೆಗಳಿಗೆ ಇದೆ. ಯಾಕೆಂದರೆ ಸರ್ಕಾರ ವೆಚ್ಚ ಮಾಡುವುದು ಈ ದೇಶದ ಸಾಮಾನ್ಯ ತೆರಿಗೆದಾರರ ಹಣವನ್ನು.

ಅನಿಲ್ ಕುಮಾರ್ ಪೂಜಾರಿ, ಬೆಂಗಳೂರು

***

ಚಿತ್ರನಟರಾದ ದುನಿಯಾ ವಿಜಯ್‌ ಮತ್ತು ದರ್ಶನ್ ಆಗಾಗ ಸುದ್ದಿಯಾಗುತ್ತಲೇ ಇರುತ್ತಾರೆ. ಹಾಗೆ ನೋಡಿದರೆ ಶಿವರಾಜ್‌ ಕುಮಾರ್, ಪುನೀತ್‌ ರಾಜ್‌ಕುಮಾರ್ ಮತ್ತು ರಾಘವೇಂದ್ರ ರಾಜ್‌ಕುಮಾರ್‌ ‘ಇಂಥಾ’ ವಿಷಯಗಳಿಗೆ ಸುದ್ದಿಯಾದದ್ದು ಇಲ್ಲ.

ಸುದೀಪ್ ತಮ್ಮ ವೈಯಕ್ತಿಕ ಜೀವನದ ಅತಿ ಮುಖ್ಯ ಪರ್ವವೊಂದನ್ನು ಘನತೆಯಿಂದ ನಿಭಾಯಿಸಿದರು. ‘ಯಶ್ ಅವರ
ಕೊಲೆಗೆ ಸುಪಾರಿ ನೀಡಿದ್ದಾರೆ’ ಎಂಬ ಆರೋಪ ಇನ್ನೊಬ್ಬ ತಾರೆಯ ಮೇಲೆ ಬಂದಿತ್ತು. ಇದೆಲ್ಲ ನೋಡಿದರೆ, ಚಿತ್ರ
ರಂಗಕ್ಕೆ ಡಾ. ರಾಜ್‌ಕುಮಾರ್‌ ಅವರಂಥ ಹಿರಿಯರ ಅಗತ್ಯ ಹಿಂದೆಂದಿಗಿಂತಲೂ ಈಗ ಹೆಚ್ಚಾಗಿದೆ ಎಂದೆನಿಸುತ್ತಿದೆ.

ಎಸ್.ಕೆ. ಕುಮಾರ್, ಕಲಬುರ್ಗಿ

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !