ಶಬರಿಮಲೆ: ಅವರೇ ಬರುತ್ತಿರಲಿಲ್ಲ

7

ಶಬರಿಮಲೆ: ಅವರೇ ಬರುತ್ತಿರಲಿಲ್ಲ

Published:
Updated:

ಆರಂಭದ ದಿನಗಳಲ್ಲಿ ಶಬರಿಮಲೆಗೆ ಬರುವವರು ಕಾಡು ಹಾದಿಯಲ್ಲಿ ನೂರಾರು ಕಿ.ಮೀ. ದೂರ ನಡೆದುಕೊಂಡು ಬಂದು ಅಯ್ಯಪ್ಪನ ದರ್ಶನ ಪಡೆಯಬೇಕಾದ ಸ್ಥಿತಿ ಇತ್ತು. ಈ ಯಾತ್ರೆ ಮಾಡಿ ಹಿಂದಿರುಗಲು ಕನಿಷ್ಠ 30 ರಿಂದ 40 ದಿನಗಳು ಬೇಕಾಗುತ್ತಿದ್ದವು. ಋತುಮತಿಯಾದ ಹೆಣ್ಣುಮಕ್ಕಳು ಈ ಯಾತ್ರಾ ಅವಧಿಯಲ್ಲಿ ಒಮ್ಮೆಯಾದರೂ ಮಾಸಿಕ ಕ್ರಿಯೆಗೆ ಒಳಗಾಗುವುದು ಸಹಜವಾಗಿತ್ತು. ಅಂಥ ಸಂದರ್ಭದಲ್ಲಿ ಅವರಿಗೆ ತೊಂದರೆ, ಮುಜುಗರವಾಗುವುದು ಸಹಜ. ಈ ಕಾರಣದಿಂದಾಗಿ ಮೈನೆರೆದಂದಿನಿಂದ ಮುಟ್ಟು ನಿಲ್ಲುವವರೆಗಿನ ಸ್ತ್ರೀಯರಿಗೆ ಈ ಯಾತ್ರೆ ಅನುಕೂಲವಲ್ಲ ಎಂದು ಅವರಾಗಿಯೇ ಯಾತ್ರೆಗೆ ಹೋಗುತ್ತಿರಲಿಲ್ಲ ಎಂಬುದೇ ಸತ್ಯ.

ಆದರೆ ಈಗ ಸ್ಥಿತಿ ಹಿಂದಿನಂತಿಲ್ಲ. ಪಂಪಾನದಿಯವರೆಗೆ ರಸ್ತೆ ಇದೆ. ಬೇಕಾದಷ್ಟು ವಾಹನ ಸೌಕರ್ಯವಿದೆ. ವಿದ್ಯುತ್, ನೀರು, ಹೋಟೆಲ್‌ಗಳ ಅನುಕೂಲವಿದೆ. ಪಂಪಾ ನದಿಯಿಂದ ಕೇವಲ ಎರಡು ಮೂರು ಗಂಟೆಯ ಕಾಲ್ನಡಿಗೆ ಮಾಡಿದರೆ ಅಯ್ಯಪ್ಪ ಸ್ವಾಮಿಯ ದರ್ಶನ ಪಡೆಯಬಹುದು.

ನ್ಯಾಯಾಲಯ ಅಥವಾ ದೇವಾಲಯದ ದೇವಸ್ವಂ ಮಂಡಳಿಯೇ ಅನುಮತಿ ನೀಡಿ, ಸ್ವಾಗತಿಸಿದರೂ ಮುಟ್ಟಿನ ಅವಧಿಯಲ್ಲಿ ಹೆಣ್ಣು ಮಕ್ಕಳು ಖಂಡಿತ ಯಾವುದೇ ದೇವಾಲಯವನ್ನೂ ಪ್ರವೇಶಿಸಲಾರರು. ಅನುಕೂಲವಿಲ್ಲದಾಗ ಹೋಗಿ ಬರಲು ಆಗದವರಿಗೆ, ಅನುಕೂಲವಿದ್ದಾಗ ಯಾರದೇ ಅಡ್ಡಿ, ಆತಂಕ, ನಿಷೇಧ ಇರಬಾರದು ಅಲ್ಲವೇ?

–ರಾ.ಲ. ಪುರುಷೋತ್ತಮ, ಬೆಂಗಳೂರು

ಬರಹ ಇಷ್ಟವಾಯಿತೆ?

  • 15

    Happy
  • 0

    Amused
  • 0

    Sad
  • 0

    Frustrated
  • 2

    Angry

Comments:

0 comments

Write the first review for this !