ವೆಂಕಟೇಶ ಮಾಚಕನೂರ ಅವರ ಪತ್ರದಲ್ಲಿ (ವಾ.ವಾ., ಮಾರ್ಚ್ 15) ಬರುವ ರಿಕ್ಷಾ ಚಾಲಕ ಪಿಂಚಣಿ ಬಗ್ಗೆ ಹೇಳಿರುವುದರಲ್ಲಿ ತಪ್ಪಿಲ್ಲ. ಯಾವ ವ್ಯಕ್ತಿಗೆ ತಾನೇ ಸರ್ಕಾರಿ ಕೆಲಸ, ಜೀವನದ ಭದ್ರತೆ ಬೇಡ? ಆದರೆ ಸರಿಯಾದ ಓದು, ಓದಿಗೆ ಸರಿಯಾದ ಕೆಲಸ ನಮ್ಮ ದೇಶದಲ್ಲಿ ಇದೆಯೇ? ನಿರುದ್ಯೋಗ ತಾಂಡವವಾಡುತ್ತಿದೆ. ಕೆಲವರು ಲಕ್ಷಗಟ್ಟಲೆ ಸಂಬಳ ಪಡೆಯುತ್ತಾರೆ. ಇನ್ನು ಕೆಲವರು ₹ 10 ಸಾವಿರ, 20 ಸಾವಿರ ಮಾತ್ರ ತೆಗೆದುಕೊಂಡು ಅವರಿಗೆ ಸರಿಸಮನಾಗಿ ಕೆಲಸ ಮಾಡುವಂತಹ ಸ್ಥಿತಿ ಇದೆ. ವೆಂಕಟೇಶ ಅವರೇ ಹೇಳಿರುವಂತೆ, ಬೆವರಿಲ್ಲದ ದುಡಿಮೆ ಮುನ್ನೆಲೆಯಲ್ಲಿದೆ. ಜನಸಾಮಾನ್ಯರನ್ನು ಒಳಗೊಳ್ಳದ ಆರ್ಥಿಕತೆ ಚಾಲ್ತಿಯಲ್ಲಿದೆ. ಇದು ಅಪಾಯಕಾರಿ ಎಂದು ನಮ್ಮ ಹಿರಿಯರು ಎಚ್ಚರಿಸಿಲ್ಲವೇ?