ಮಹಿಳೆಯರಿಗೆ, ಸ್ವಾತಂತ್ರ್ಯ ಹೋರಾಟಗಾರರಿಗೆ, ಶಾಸಕರು, ಸಂಸದರಿಗೆ, ಅಂಗವಿಕಲರಿಗೆ ಎಂದೆಲ್ಲ ಸೀಟುಗಳನ್ನು ಮೀಸಲಿರಿಸಲಾಗಿರುತ್ತದೆ. ಬೆಂಗಳೂರಿನ ಬಿಎಂಟಿಸಿ ಬಸ್ಸುಗಳಲ್ಲಿ ಈ ನಿಯಮ ಬಹುತೇಕ ಕಡ್ಡಾಯವಾಗಿ ಪಾಲನೆಯಾಗುತ್ತದೆ. ಸ್ವಲ್ಪ ವರ್ಷಗಳ ಹಿಂದೆ ವಯೋವೃದ್ಧರಿಗೆ, ಸ್ತ್ರೀಯರಿಗೆ, ಮಕ್ಕಳನ್ನು ಎತ್ತಿಕೊಂಡು ಬರುವವರಿಗೆ ಪ್ರಯಾಣಿಕರು ಸಹಜವಾಗಿಯೇ ಸೀಟು ಬಿಟ್ಟುಕೊಡುವ ಔದಾರ್ಯವಿತ್ತು. ಆದರೀಗ ಮಾನವೀಯತೆ, ಪರಸ್ಪರ ಸಹಕಾರ ಭಾವ ಕಡಿಮೆಯಾಗುತ್ತಿದ್ದು, ಮಗುವನ್ನು ಎತ್ತಿಕೊಂಡು ಬರುವ ಮಹಿಳಾ ಪ್ರಯಾಣಿಕರಿಗೂ ಆಸನವನ್ನು ಮೀಸಲಿರಿಸಬೇಕಾದ ಸಂದರ್ಭ ಬಂದಿರುವ ಕಾಲದಲ್ಲಿ ನಾವಿದ್ದೇವೆ. ಅದೂ ಆದರೆ ಒಳಿತು ಎನಿಸುತ್ತದೆ.