ದಿಢೀರನೆ ಹುಟ್ಟಿಕೊಳ್ಳುವ ಇಂತಹ ಮೌಢ್ಯಗಳನ್ನು ವಿವೇಚನಾರಹಿತವಾಗಿ ನಂಬುವವರು ಎಲ್ಲಿಯವರೆಗೆ ಇರುತ್ತಾರೋ ಅಲ್ಲಿಯವರೆಗೆ ಇವರನ್ನು ನಂಬಿಸಿ ಬಲಿಹಾಕುವವರು ವರ್ಧಿಸುತ್ತಲೇ ಹೋಗುತ್ತಾರೆ. ಸಮಗ್ರವಾದ ಮತ್ತು ಕಟ್ಟುನಿಟ್ಟಾದ ‘ಮೌಢ್ಯ ನಿಷೇಧ ಕಾನೂನು’ ಅನುಷ್ಠಾನಕ್ಕೆ ಬರುವುದೇ ಇಂತಹ ಸಾಮಾಜಿಕ ಪಿಡುಗಿನ ನಿವಾರಣೆಗೆ ಇರುವ ಏಕೈಕ ಮಾರ್ಗ. ಆದರೆ, ಸ್ವಯಂ ಹಲವು ಮೌಢ್ಯಗಳಿಗೆ ತುತ್ತಾಗಿರುವ ಕುಟುಂಬದ ಸರ್ಕಾರದಿಂದ ಇಂತಹುದೊಂದು ಕಾನೂನನ್ನು ನಿರೀಕ್ಷಿಸಲು ಸಾಧ್ಯವೆ?