ಕರ್ನಾಟಕ ಪಠ್ಯಪುಸ್ತಕ ಸಮಿತಿಯು ಪ್ರತಿವರ್ಷ ಪಠ್ಯಪುಸ್ತಕಗಳನ್ನು ಮುದ್ರಣ ಮಾಡುವ ಜವಾಬ್ದಾರಿಯನ್ನು ಹೊರುತ್ತದೆ. ಪಠ್ಯಪುಸ್ತಕಗಳಲ್ಲಿನ ಮುದ್ರಣ ದೋಷಗಳು ನಿರ್ಲಕ್ಷಿಸುವಷ್ಟು ಇದ್ದರೂ ಕಾಗದದ ಗುಣಮಟ್ಟ, ಪುಸ್ತಕಗಳಲ್ಲಿ ನೀಡಿರುವ ಚಿತ್ರಗಳು (ಅದರಲ್ಲೂ ಪ್ರಾಥಮಿಕ ಹಂತದ ಪುಸ್ತಕಗಳಲ್ಲಿ) ತೀರಾ ಕಳಪೆಯಾಗಿರುತ್ತವೆ. ಚಿತ್ರಗಳ ಮೂಲಕ ಕಲಿಯಬೇಕಾದ ವಿದ್ಯಾರ್ಥಿಗಳಿಗೆ ಈ ರೀತಿಯ ಪುಸ್ತಕಗಳನ್ನು ಮುದ್ರಿಸುವುದರಿಂದ ಕಲಿಕೆಯ ಬಗೆಗಿನ ಮಮತೆ ಕಡಿಮೆಯಾಗುತ್ತದೆ.