ಆಕರ್ಷಕ ವಿನ್ಯಾಸದಿಂದ ಭಾರತ ಮತ್ತು ವಿದೇಶಗಳಲ್ಲಿ ತುಂಬ ಹೆಸರು ಮಾಡಿತ್ತು. ದೇಶದಲ್ಲಿ ನಡೆದ ಪ್ರಮುಖ ಕ್ರೀಡಾ ಪಂದ್ಯಾವಳಿಯ ಲಾಂಛನದ ಚಿತ್ರವನ್ನು ತನ್ನ ಡಯಲ್ನಲ್ಲಿ ತೋರಿಸಿತ್ತು. ವಿವಾಹ ಸಂಭ್ರಮಕ್ಕೆ ಅನುವಾಗುವಂತೆ ವಧು ವರರಿಗಾಗಿ ಜೋಡಿ ವಾಚ್ ಪರಿಚಯಿಸಿತು. ವಿದೇಶದಲ್ಲಿ ಯಾರೋ ಒಬ್ಬ ವ್ಯಕ್ತಿ ‘ಟೈಮ್ ಎಷ್ಟು?’ ಎಂದು ಒಬ್ಬ ಭಾರತೀಯನನ್ನು ಕೇಳಿದಾಗ ಅವನು ಸಮಯ ತಿಳಿಸಿದನಂತೆ. ವಿದೇಶಿಯನು ಅದು ‘ಜಿಎಂಟಿ ಸಮಯವೇ’ (ಗ್ರೀನ್ವಿಚ್ ಮೀನ್ ಟೈಮ್) ಎಂದು ಕೇಳಿದಾಗ, ‘ಇಲ್ಲ, ಇದು ಎಚ್ಎಂಟಿ ಸಮಯ’ ಎಂದು ನಮ್ಮ ಭಾರತೀಯ ಉತ್ತರಿಸಿದನಂತೆ!