ಒಂದು ನೇಮಕಾತಿ ಅಧಿಸೂಚನೆ ಹೊರಡಿಸಬೇಕಾದರೆ ಎಷ್ಟೋ ಪೂರ್ವ ತಯಾರಿಯ ಹಂತಗಳನ್ನು ಅದು ದಾಟಿಕೊಂಡು ಬರಬೇಕು. ಪರೀಕ್ಷೆ ನಡೆಸುವ ಸಂಭವನೀಯ ದಿನಾಂಕ, ಹೊಸ ಉದ್ಯೋಗಿಗಳು ಎಂದಿನಿಂದ ಸೇವೆಗೆ ಲಭ್ಯವಾಗಬಹುದು ಎನ್ನುವ ಲೆಕ್ಕಾಚಾರವನ್ನು ಅದು ಒಳಗೊಂಡಿರುತ್ತದೆ. ಆದರೆ ಈಗ ಯಾವ ರೀತಿಯ ಲೆಕ್ಕಾಚಾರ ನಡೆಯುತ್ತಿದೆ ಎಂಬುದು ತಿಳಿಯುತ್ತಿಲ್ಲ. 2019, ಸಾರ್ವತ್ರಿಕ ಚುನಾವಣೆ ವರ್ಷವಾದ್ದರಿಂದ ಈ ರೀತಿಯ ನೇಮಕಾತಿ ಅಧಿಸೂಚನೆ ಹೊರಡಿಸಲಾಯಿತೇ ಎನ್ನುವ ಸಂದೇಹ ಮೂಡದೇ ಇರದು.