ಉಮೇದುವಾರಿಕೆ ಸಲ್ಲಿಕೆಗೆ ಮೊದಲ ದಿನವಾದ ಮಂಗಳವಾರ ಬೆರಳೆಣಿಕೆಯ ಅಭ್ಯರ್ಥಿಗಳು ನಾಮಪತ್ರ ಸಲ್ಲಿಸಿದ್ದರು. ಗುರುವಾರ ನಾಮಪತ್ರಗಳ ‘ಮಹಾಪೂರ’ವೇ ಹರಿದು ಬಂದಿದೆ. ಅದಕ್ಕೆ ಮುನ್ನ ಅಭ್ಯರ್ಥಿಗಳು ನೂರಾರು ಬೆಂಬಲಿಗರ ಜತೆಗೆ ಮೆರವಣಿಗೆಯಲ್ಲಿ ಸಾಗಿ ಬಂದರು. ಜತೆಗೆ, ತಮ್ಮ ‘ಐಶ್ವರ್ಯ’ವನ್ನೂ ಬಹಿರಂಗಪಡಿಸಿದರು. ಕೆಲವೇ ಲಕ್ಷಗಳ ಆಸ್ತಿ ಮಾಲೀಕರಿಂದ ಸಾವಿರ ಕೋಟಿ ಮೌಲ್ಯದ ಒಡೆಯರವರೆಗೂ ಆ ಪಟ್ಟಿಯಲ್ಲಿದ್ದರು. 155 ಮಂದಿಯಿಂದ ಉಮೇದುವಾರಿಕೆ ಸಲ್ಲಿಕೆಯಾಗಿದೆ.