ಕೊಳೆಗೇರಿಯಲ್ಲಿ ಜನದಟ್ಟಣೆ ಕಡಿಮೆ ಮಾಡಲು ಚಿಕ್ಕ ಮಕ್ಕಳು ಹಾಗೂ ವೃದ್ಧರಿಗೆ ಇತರೆಡೆ ತಾತ್ಕಾಲಿಕ ವಸತಿ ವ್ಯವಸ್ಥೆ ಮಾಡಬೇಕು. ಎಲ್ಲರೂ ಮನೆಯಲ್ಲಿ ಇದ್ದರೆ ವಿದ್ಯುತ್ ಬಳಕೆ ಜಾಸ್ತಿ ಆಗುತ್ತದೆ. ಕಾರ್ಖಾನೆಗಳ ಚಟುವಟಿಕೆ ನಿಂತಿರುವ ಕಾರಣ, ಆ ವಿದ್ಯುತ್ ಅನ್ನು ಮನೆ ಬಳಕೆಗೆ ಕೊಟ್ಟು, ವಿದ್ಯುತ್ ಕಡಿತ ಆಗದಂತೆ ನೋಡಿಕೊಳ್ಳಬೇಕು. ನಿರ್ಗತಿಕರಿಗೆ ಬಸ್ಸು ಅಥವಾ ರೈಲು ನಿಲ್ದಾಣಗಳ ಪ್ರಯಾಣಿಕರ ವಿಶ್ರಾಂತಿ ಕೋಣೆಗಳಲ್ಲಿ ಜಾಗ ಕೊಟ್ಟು, ಊಟದ ವ್ಯವಸ್ಥೆ ಮಾಡಬೇಕು. ಇಂಟರ್ನೆಟ್ ಉಚಿತವಾಗಿ ಕೊಡುವುದು,ಉಚಿತ ಇ- ಪುಸ್ತಕಗಳನ್ನು ಬಿಡುಗಡೆ ಮಾಡುವುದರಿಂದ, ಮನೆಯಲ್ಲಿ ಕಾಲ ಕಳೆಯು ವವರಿಗೆ ಅನುಕೂಲವಾಗುತ್ತದೆ. ಮನೆಯಲ್ಲೇ ಚಟುವಟಿಕೆ ಯಿಂದ ಹೇಗೆ ಇರಬಹುದು ಎನ್ನುವುದರ ಬಗ್ಗೆ ಜಾಗೃತಿ ಬೇಕು. ಇದಕ್ಕೆ ಪೂರಕವಾಗಿ, ಕರಕುಶಲ, ಚಿತ್ರ, ಕಥೆ, ಕವನ ಇತ್ಯಾದಿ ಬಹುಮಾನಸಹಿತ ಸ್ಪರ್ಧಾ ಚಟುವಟಿಕೆಗಳನ್ನು ಘೋಷಿಸಬೇಕು.