ವಾಚಕರ ವಾಣಿ | ಒಲಿಂಪಿಕ್ಸ್‌: ಕಬಡ್ಡಿ, ಕೊಕ್ಕೊ ಸೇರಲಿ

ಕೇಂದ್ರ ಸರ್ಕಾರ ಇದೀಗ ಈ ದಿಸೆಯಲ್ಲಿ ವಿಶೇಷವಾಗಿ ಚಿಂತನೆ ನಡೆಸಿ, ಸಮಾನಮನಸ್ಕ 40 ದೇಶಗಳ ಸರ್ಕಾರಗಳೊಂದಿಗೆ ಸಂಪರ್ಕ ಸಾಧಿಸಬೇಕು. ದೇಶದ ಜಿಡಿಪಿ ಮಟ್ಟ ಸುಧಾರಿಸುತ್ತಿರು ವುದರಿಂದ ಕ್ರೀಡಾ ಮೂಲಸೌಲಭ್ಯ ಮುಂದಿನ ದಿನಗಳಲ್ಲಿ ಹೆಚ್ಚಬಹುದು, 2050ರ ವೇಳೆಗೆ ಭಾರತದ ಪದಕ ಪಟ್ಟಿಯೂ ಬೆಳೆಯಬಹುದು. ಆದರೆ ತಕ್ಷಣಕ್ಕೆ, ಅಂದರೆ ಮುಂಬರುವ ಪ್ಯಾರಿಸ್ ಒಲಿಂಪಿಕ್ಸ್‌ನಲ್ಲೇ ಭಾರತವು ಅತಿ ಹೆಚ್ಚಿನ ಪದಕ ಗಳಿಸಬೇಕು ಎಂದಾದರೆ ದೇಶದ ನೆಚ್ಚಿನ ಕ್ರೀಡೆಗಳನ್ನು ಒಲಿಂಪಿಕ್ಸ್‌ ನಲ್ಲಿ ಸೇರಿಸುವ ಪ್ರಯತ್ನ ನಡೆಸಬೇಕು. ಈ ವಿಷಯದಲ್ಲಿ ಕ್ರೀಡಾಪ್ರೇಮಿಗಳು, ರಾಜ್ಯ ಸರ್ಕಾರಗಳು, ಸಂಘ ಸಂಸ್ಥೆಗಳು ಕೇಂದ್ರದ ಮೇಲೆ ಒತ್ತಡ ಹೇರಲು ಮುಂದಾಗಬೇಕು.

-ಡಾ.ಭೂಪಾಳಂ ಸುನಿಲ್‌, ಬೆಂಗಳೂರು