1974ರ ಯುಗಾದಿಯಂದು ಬೆಂಗಳೂರಿನ ಕಲಾಸಿಪಾಳ್ಯದ ಖಾಸಗಿ ಬಸ್ ನಿಲ್ದಾಣದಿಂದ ಅಂದೇ ಚಾಲನೆಗೆ ಬಿಟ್ಟಿದ್ದ ‘ವಿನಾಯಕ’ ಬಸ್ ಏರಿದೆ. ಬಸ್ ಸರಿಯಾಗಿ ಒಂದೂಮುಕ್ಕಾಲು ಗಂಟೆಯಲ್ಲಿ ಮೈಸೂರು ತಲುಪಿತು. ಅಂದಿನ ಬಸ್ ದರ ₹ 4.50 ಆಗಿತ್ತು. ಹಿಂದಿನ ದರ ₹ 4 ಇತ್ತು. 50 ಪೈಸೆ ದರ ಹೆಚ್ಚಿಸಿದ್ದಕ್ಕೆ ಪ್ರಯಾಣಿಕರೊಬ್ಬರು ನಿರ್ವಾಹಕರೊಂದಿಗೆ ಜಗಳಕ್ಕೆ ಬಿದ್ದರು. ನಾನೂ ಸೇರಿದಂತೆ ಕೆಲವರು ಅವರ ಪರವಾಗಿ ನಿಂತೆವು. ಕೊನೆಗೂ ಜಗಳ ಬಗೆ ಹರಿಯದಿದ್ದಾಗ ಆ ಪ್ರಯಾಣಿಕನಿಗೆ ಆತನ ಹೆಚ್ಚುವರಿ 50 ಪೈಸೆಯನ್ನು ನಾನೇ ಕೊಡಲು ಮುಂದಾದೆ. ಆಗ ಆತ ತಾರಕ ಧ್ವನಿಯಲ್ಲಿ ‘ಇವತ್ತೇನೋ ನೀವು ಕೊಡ್ತೀರಿ. ದಿನಾ ನೀವೇ ಕೊಡ್ತೀರಾ’ ಎಂದು ಸಿಟ್ಟಿನಿಂದ ಪ್ರಶ್ನಿಸಿದರು. ಈಗ ವಂದೇ ಭಾರತ್‌ನ ಕನಿಷ್ಠ ಪ್ರಯಾಣ ದರ ₹ 368. ಸಾಮಾನ್ಯ ಜನರು ಈ ರೈಲಿನಲ್ಲಿ ಪ್ರಯಾಣಿಸುವುದಾದರೂ ಹೇಗೆ?
