ವೋಟ್‌ಬ್ಯಾಂಕ್‌ ತಂತ್ರ

7

ವೋಟ್‌ಬ್ಯಾಂಕ್‌ ತಂತ್ರ

Published:
Updated:

ಸುಪ್ರೀಂ ಕೋರ್ಟ್‌ ನೀಡಿದ ತೀರ್ಪುಗಳನ್ನೇ ಸರ್ಕಾರಗಳು ಮೂಲೆಗುಂಪಾಗಿಸುತ್ತಿವೆ. ಆ ಮೂಲಕ ರಾಜಕೀಯ ಪಕ್ಷಗಳು ಒಂದು ಸಮುದಾಯವನ್ನು ಮೆಚ್ಚಿಸಿ, ಅದನ್ನು ವೋಟ್ ಬ್ಯಾಂಕ್ ಮಾಡಿಕೊಳ್ಳಲು ಪ್ರಯತ್ನಿಸುತ್ತಿರುವುದು ಕುತಂತ್ರವಲ್ಲದೆ ಮತ್ತೇನು?

ಕರ್ನಾಟಕದಲ್ಲಿ ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡದ ನೌಕರರಿಗೆ ಹಿಂಬಡ್ತಿ ನೀಡಿ, ಇತರ ವರ್ಗದ ಅರ್ಹರಿಗೆ ನ್ಯಾಯ ಒದಗಿಸುವ ನಿಟ್ಟಿನಲ್ಲಿ ಸುಪ್ರೀಂ ಕೋರ್ಟ್‌ ನೀಡಿದ್ದ ತೀರ್ಪನ್ನು ಧಿಕ್ಕರಿಸಿ, ಸರ್ಕಾರವು ಸುಗ್ರೀವಾಜ್ಞೆಯ ಮೂಲಕ ಯಥಾಸ್ಥಿತಿ ಮುಂದುವರಿಸಿ ‘ದಲಿತವಿರೋಧಿ’ ಎಂದು ಕುಖ್ಯಾತವಾಗುವುದರಿಂದ ತಪ್ಪಿಸಿಕೊಂಡಿದೆ.

ಎಸ್‌ಸಿ, ಎಸ್‌ಟಿ ದೌರ್ಜನ್ಯ ತಡೆ ಕಾಯ್ದೆಯ ಸ್ಥಿತಿಯು ಇದರ ಮುಂದುವರಿದ ಭಾಗದಂತಿದೆ. ಈ ಕಾಯ್ದೆಯನ್ನು ದುರ್ಬಲಗೊಳಿಸಲು ಮುಂದಾದ ಕೋರ್ಟ್‌ ಆದೇಶದಿಂದ ಕೆರಳಿದ ಪರಿಶಿಷ್ಟರ ಕೆಲವು ಗುಂಪುಗಳು ತೀರ್ಪಿನ ವಿರುದ್ಧ ಸರ್ಕಾರದ ಮೇಲೆ ಒತ್ತಡ ತರಲು ಯಶಸ್ವಿಯಾಗಿವೆ.

1989ರ ಕಾಯ್ದೆಯ ಪ್ರಕಾರ ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡದ ವ್ಯಕ್ತಿಯೊಬ್ಬ ‘ನನ್ನ ಮೇಲೆ ದೌರ್ಜನ್ಯವಾಗಿದೆ’ ಎಂದು ಯಾರ ವಿರುದ್ಧವಾದರೂ ದೂರು ನೀಡಿದ ತಕ್ಷಣ ಆ ಕುರಿತು ವಿಚಾರಣೆಯನ್ನೂ ನಡೆಸದೆ ಆರೋಪಿಯನ್ನು ಬಂಧಿಸಬಹುದು. ಇದು ಮಾನವಹಕ್ಕುಗಳ ಸ್ಪಷ್ಟ ಉಲ್ಲಂಘನೆ. ‘ನೂರು ಜನ ಅಪರಾಧಿಗಳು ತಪ್ಪಿಸಿಕೊಂಡರೂ, ಒಬ್ಬ ನಿರಪರಾಧಿಗೆ ಶಿಕ್ಷೆ ಆಗಬಾರದು’ ಎಂಬುದು ನಮ್ಮ ನ್ಯಾಯಾಂಗ ವ್ಯವಸ್ಥೆ ನಂಬಿರುವ ಮೌಲ್ಯ. ಕೇಂದ್ರ ಸರ್ಕಾರವು ಕೋರ್ಟ್‌ ತೀರ್ಪಿಗೆ ವಿರುದ್ಧವಾಗಿ ಕಾಯ್ದೆಗೆ ತಿದ್ದುಪಡಿ ತರಲು ಮುಂದಾಗಿದೆ. ಈ ಕ್ರಮ ಕೈಬಿಟ್ಟು ನ್ಯಾಯಾಂಗದ ಘನತೆಯನ್ನು ಎತ್ತಿ ಹಿಡಿಯಲಿ.

-ಆನಂದ್, ಬೆಂಗಳೂರು

 

ಬರಹ ಇಷ್ಟವಾಯಿತೆ?

  • 9

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !