ವಿಶ್ವ ಆಹಾರ ದಿನವನ್ನು ಶುಕ್ರವಾರವಷ್ಟೇ (ಅ. 16) ಆಚರಿಸಿದ್ದೇವೆ. ನಾವೆಲ್ಲರೂ ಆಹಾರವನ್ನು ಪೋಲು ಮಾಡಬಾರದೆಂದು ಪಣ ತೊಡಬೇಕಾದ ಸಂದರ್ಭ ಇದಾಗಿದೆ. ಎಷ್ಟೋ ಸಮಾರಂಭಗಳಲ್ಲಿ ಜನ ತಾವು ಊಟ ಮಾಡಿದ ಎಲೆಯ ಮೇಲೆ ಆಹಾರವನ್ನು ಹಾಗೇ ಉಳಿಸುತ್ತಾರೆ. ಮನೆಗೆ ಬರುವ ಅತಿಥಿಗಳಲ್ಲಿ ಹಲವರು, ತಿನ್ನಲು ಕೊಡುವ ಪದಾರ್ಥಗಳನ್ನು ಪೂರ್ತಿಯಾಗಿ ತಿನ್ನುವುದೇ ಇಲ್ಲ. ಅಲ್ಪಸ್ವಲ್ಪವನ್ನು ಹಾಗೆಯೇ ಉಳಿಸುವುದನ್ನು ಕೆಲವರು ನಿಯಮವೆಂಬಂತೆ ಪಾಲಿಸುತ್ತಾರೆ. ಪೂರ್ಣ ಖಾಲಿ ಮಾಡಿದರೆ ಎಲ್ಲಿ ತಮ್ಮನ್ನು ತಪ್ಪಾಗಿ ತಿಳಿದುಕೊಳ್ಳುತ್ತಾರೋ ಎಂಬ ಆತಂಕ ಇದರ ಹಿಂದೆ ಇರುತ್ತದೆ. ಇದಕ್ಕೆಲ್ಲ ಸಲ್ಲದ ಪ್ರತಿಷ್ಠೆ ಕಾರಣವೇ ಹೊರತು ಬೇರೇನೂ ಅಲ್ಲ.