ಪ್ರಿಯ ಅಮೃತವರ್ಷಿಣಿ, ಪ್ರತೀ ಬೆಳಿಗ್ಗೆ ಇಂಪಾದ ಸಂಗೀತವನ್ನು ಸಿತಾರ್ನಲ್ಲಿ ಕೇಳಿಸುತ್ತಿದ್ದೆಯಲ್ಲ, ಎಲ್ಲಿಹೋದೆ? 20 ವರ್ಷಗಳ ಹಿಂದೆ ಎಫ್ಎಂ ಟ್ರಾನ್ಸ್ಮಿಟರ್ ಅನ್ನು ಪರೀಕ್ಷೆ ಮಾಡುತ್ತಿದ್ದಾಗ ಬೆಳಗ್ಗಿನಿಂದ ರಾತ್ರಿಯವರೆಗೂ ಸಂಗೀತ ಬರುತ್ತಿತ್ತು. ಕುತೂಹಲದಿಂದ ಆಕಾಶವಾಣಿಯವರನ್ನು ಕೇಳಿದ್ದೆ. ಹೊಸ ಚಾನೆಲ್ ಬರಲಿದೆ ಎಂದಿದ್ದರು. ನೀನು ಬಂದೆ. ಬಹಳ ಸಂತೋಷವಾಯಿತು. ಕಳೆದ ಒಂದು ವರ್ಷದಿಂದ ನಿನ್ನ ಧ್ವನಿ ಕ್ಷೀಣವಾಗುತ್ತಿತ್ತು. ಕೋವಿಡ್ ಪ್ರಭಾವ, ಇನ್ನೇನು ಸರಿಹೋಗಬಹುದು ಎಂದುಕೊಂಡಿದ್ದೆ. ಆದರೆ ಇನ್ನೂ ಹದಿವಯಸ್ಸನ್ನೂ ಪೂರೈಸದೆ ಮಾಯವಾಗಿಬಿಟ್ಟೆಯಲ್ಲಾ. ಅಂತಕನ ದೂತರಿಗೆ ಕಿಂಚಿತ್ತೂ ದಯವಿಲ್ಲ.