ಭಾನುವಾರ, ಜನವರಿ 17, 2021
25 °C

ಪಶುಪತಿನಾಥ ದೇಗುಲದ ಆಸ್ತಿ ಮಾಹಿತಿ ಬಹಿರಂಗ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಕಠ್ಮಂಡು (ಪಿಟಿಐ): ಪಶುಪತಿನಾಥ ದೇಗುಲದ ಸೇರಿದ ಆಸ್ತಿಯ ವಿವರಗಳನ್ನು ಇದೇ ಮೊದಲ ಬಾರಿಗೆ ಸಾರ್ವಜನಿಕವಾಗಿ ಬಹಿರಂಗ ಪಡಿಸಲಾಗಿದೆ.

1962ರಿಂದ 2018ರವರೆಗೆ 56 ವರ್ಷಗಳ ಅವಧಿಯಲ್ಲಿ ದೇವಸ್ಥಾನ ಹೊಂದಿರುವ ಚಿನ್ನ, ಬೆಳ್ಳಿ ಮತ್ತು ಆದಾಯದ ಮಾಹಿತಿಗಾಗಿ ಸಮಿತಿ ರಚಿಸಲಾಗಿತ್ತು.   

ದೇವಸ್ಥಾನದ ಸುಪರ್ದಿಯಲ್ಲಿ 9.27 ಕೆ.ಜಿ ಬಂಗಾರ, 316 ಕೆಜಿ ಬೆಳ್ಳಿ ಇದೆ. ವಿವಿಧ ಬ್ಯಾಂಕ್‌ಗಳಲ್ಲಿ ₹ 120 ಕೋಟಿ ನಗದು ಇರಿಸಲಾಗಿದೆ.  3,66 ಹೆಕ್ಟೇರ್‌ ಭೂ ಪ್ರದೇಶವಿದೆ ಎಂದು ಟ್ರಸ್ಟ್ ಕಾರ್ಯನಿರ್ವಾಹಕ ನಿರ್ದೇಶಕ ರಮೇಶ್‌ ಉಪ್ರೇತಿ ತಿಳಿಸಿದ್ದಾರೆ. 

ಈ ದೇವಸ್ಥಾನ ಐದನೇ ಶತಮಾನಕ್ಕೆ ಸೇರಿದ್ದಾಗಿದ್ದು, ದೇವಸ್ಥಾನದ ಆಸ್ತಿಯ ಅಧ್ಯಯನಕ್ಕಾಗಿ 2017ರಲ್ಲಿ ಸರ್ಕಾರ ಹನ್ನೊಂದು ಮಂದಿಯ ಸಮಿತಿ ರಚಿಸಿತ್ತು. ಹಲವು ಪ್ರದೇಶಗಳಲ್ಲಿ ದೇವಸ್ಥಾನಕ್ಕೆ ಸೇರಿದ ಆಸ್ತಿಗಳಿವೆ. ಆದರೆ ಸರಿಯಾದ ದಾಖಲೆಗಳಿಲ್ಲದ ಕಾರಣ ಅವುಗಳನ್ನು ಟ್ರಸ್ಟ್‌ ಅಡಿಯಲ್ಲಿ ಸೇರಿಸಿಲ್ಲ ಎಂದು ಸಮಿತಿ ತಿಳಿಸಿದೆ.  ಟ್ರಸ್ಟ್‌ಗೆ ಸೇರಿದ ಭೂಮಿಯನ್ನು ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ, ಗಾಲ್ಫ್‌ ಕೋರ್ಸ್‌, ಫೈವ್‌ ಸ್ಟಾರ್‌ ಹೋಟೆಲ್‌ಗೆ ಗುತ್ತಿಗೆ ನೀಡಲಾಗಿದೆ. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು