ಹಾವು–ಹದ್ದಿನ ಸಮರ

ಚೆನ್ನೈ ಹೊರವಲಯದ ಹುಲ್ಲುಗಾವಲೊಂದರಲ್ಲಿ ಇತ್ತೀಚೆಗೆ ಕಂಡುಬಂದ ದೃಶ್ಯವಿದು. ಆ ಹುಲ್ಲುಗಾವಲು ಅಕ್ಷರಶಃ ರಣಾಂಗಣವಾಗಿ ಪರಿವರ್ತನೆಗೊಂಡಿತ್ತು. ಬೃಹತ್ ಗಾತ್ರದ ಹದ್ದು ಮತ್ತು ಆರು ಅಡಿ ಉದ್ದದ ನಾಗರ ಹಾವುಗಳ ನಡುವಣ ಸಮರ ತಾರಕಕ್ಕೇರಿತ್ತು. ನಾಗರನ ವಿಷ ಕಡಿತದಿಂದ ತಪ್ಪಿಸಿಕೊಳ್ಳಲು ರೆಕ್ಕೆಗಳನ್ನೇ ಗುರಾಣಿಯನ್ನಾಗಿ ಬಳಸಿದ ಹದ್ದು ಕೊನೆಗೆ ಹಾವಿನ ಕತ್ತನ್ನು ತಿರುಚಿ, ಮಣಿಸಿ ಆಹಾರವನ್ನಾಗಿ ಮಾಡಿಕೊಳ್ಳುವಲ್ಲಿ ಯಶಸ್ಸು ಸಾಧಿಸಿತ್ತು. ನೋಡನೋಡುತ್ತಿದ್ದಂತೆಯೇ ಅರ್ಧ ಗಂಟೆ ಅವಧಿಯಲ್ಲಿ ಆರು ಅಡಿ ಉದ್ದದ ವಿಷಕಾರಿ ಸರ್ಪವನ್ನು ತನ್ನೊಡಲಲ್ಲಿ ಸೇರಿಸಿಕೊಂಡುಬಿಟ್ಟಿತ್ತು!ಹದ್ದುಗಳು ವಿಷಕಾರಿಯಲ್ಲದ ಕೇರೆ ಹಾವುಗಳನ್ನು ಬೇಟೆಯಾಡಿ ತಿನ್ನುವುದು ಸಾಮಾನ್ಯ. ಆದರೆ, ಘೋರ ವಿಷದಿಂದ ಕೂಡಿದ ನಾಗರ ಹಾವನ್ನು ಇಡಿಯಾಗಿ ತಿಂದಿರುವ ಅಪರೂಪದ ಪ್ರಕರಣವಿದು.ಚಿತ್ರ: ದಿನೇಶ್ ಬಾಲಕೃಷ್ಣನ್ ಮತ್ತು ಗಣೇಶ್ ಬಾಲಕೃಷ್ಣನ್