ಹುಬ್ಬಳ್ಳಿ: ಹಿಂದಿನ ಮೂರು ದಿನಗಳಿಂದ ನಗರದಲ್ಲಿ ಬೆಳಿಗ್ಗೆ ಜಿಟಿ, ಜಿಟಿಯಾಗಿ ಸುರಿದಿದ್ದ ಮಳೆ ಶುಕ್ರವಾರ ಸಂಜೆ ಜೋರಾಗಿ ಬಂತು.ಸುಮಾರು ಒಂದು ಗಂಟೆಯಿಂದ ಸುರಿಯುತ್ತಿರುವ ಮಳೆಗೆ ಮಾರುಕಟ್ಟೆಯಲ್ಲಿ ಜನ ಮತ್ತು ವ್ಯಾಪಾರಿಗಳು ಪರದಾಡಿದರು. ಬೆಳಿಗ್ಗೆಯೂ ಕೆಲ ಹೊತ್ತು ಜಿಟಿ ಜಿಟಿಯಾಗಿ ಮಳೆ ಬಂದಿತ್ತು. ಆ ನಂತರ ಬಿಸಿಲು ಬಿದ್ದು ಮತ್ತೆ ಮೋಡ ಕವಿದ ವಾತಾವರಣ ನಿರ್ಮಾಣವಾಗಿತ್ತು. ಸಂಜೆಯಾಗುತ್ತಿದ್ದಂತೆ ಗುಡುಗಿನ ಅಬ್ಬರದೊಂದಿಗೆ ಮಳೆ ಸುರಿಯಿತು.