ಬೇಟೆ ಸಿಕ್ಕಿದ ಖುಷಿಯಲ್ಲಿ 7 ಸಿಂಹಗಳು ಮುಳ್ಳುಹಂದಿಯನ್ನು ಹಿಂಬಾಲಿಸಿದವು. ಅವು ಏಕಕಾಲಕ್ಕೆ ದಾಳಿಗೆ ಮುಂದಾದವು. ಇದರ ಸುಳಿವರಿತ ಮುಳ್ಳುಹಂದಿ ಕೂಡಲೇ ಹರಿತವಾದ ಮುಳ್ಳುಗಳನ್ನು ಹೊರ ಹಾಕಿ ಸಿಂಹಗಳನ್ನು ಬೆದರಿಸಿತು. ಸಿಂಹಗಳು ಉಗುರಿನ ಮೂಲಕ ದಾಳಿ ಮಾಡಲು ಯತ್ನಿಸಿದರೂ ಮುಳ್ಳುಹಂದಿ ಮಾತ್ರ ಸಿಗಲಿಲ್ಲ. ಒಂದೆರಡು ನಿಮಿಷಗಳ ಕಾದಾಟದ ಬಳಿಕ ಸಿಂಹಗಳು ನಿರಾಸೆಯಿಂದ ಮತ್ತೆ ಕಾಡು ಸೇರಿದವು ಎಂದು ಹೆನ್ನೆ ಬ್ರೆಕ್ಕರ್ ಮಾಹಿತಿ ನೀಡಿದ್ದಾರೆ.