Photo| ಕೊಹ್ಲಿಗೆ 100ನೇ ಟೆಸ್ಟ್‌: ವಿಶೇಷ ಕ್ಯಾಪ್‌ ಪ್ರದಾನದ ವೇಳೆ ವಿರಾಟ್‌–ಅನುಷ್ಕಾ ಸಂಭ್ರಮ

ಟೀಂ ಇಂಡಿಯಾದ ಮಾಜಿ ನಾಯಕ ವಿರಾಟ್‌ ಕೊಹ್ಲಿ ಇಂದು ತಮ್ಮ 100ನೇ ಟೆಸ್ಟ್‌ ಆಡುತ್ತಿದ್ದಾರೆ.‘ಪಂಜಾಬ್‌ ಕ್ರಿಕೆಟ್‌ ಅಸೋಸಿಯೇಷನ್‌’ ವತಿಯಿಂದವಿಶೇಷ ಕ್ಯಾಪ್‌ ಅನ್ನು ಟೀಂ ಇಂಡಿಯಾ ಕೋಚ್‌ ರಾಹುಲ್‌ ದ್ರಾವಿಡ್‌ ಅವರು ವಿರಾಟ್‌ ಕೊಹ್ಲಿ ಅವರಿಗೆ ಪ್ರದಾನ ಮಾಡಿದರು.ಈ ಅವಿಸ್ಮರಣೀಯ ಸಂದರ್ಭದಲ್ಲಿ ವಿರಾಟ್‌ ಕೊಹ್ಲಿ ಮತ್ತು ಬಾಲಿವುಡ್‌ ನಟಿ ಅನುಷ್ಕಾ ಶರ್ಮಾ ಆತ್ಮೀಯವಾಗಿ ಕಂಡರು.ಕ್ಯಾಪ್‌ ಸ್ವೀಕರಿಸಿದ ವಿರಾಟ್‌ ಕೊಹ್ಲಿ ಅವರನ್ನು ಅನುಷ್ಕಾ ಅವರು ಆಲಂಗಿಸಿಕೊಳ್ಳುವ ಮೂಲಕ ಅಭಿನಂದಿಸಿದರು.ಭಾರತ ಮತ್ತು ಶ್ರೀಲಂಕಾದ ನಡುವೆ ಮೊಹಾಲಿಯಲ್ಲಿ ಇಂದು ಮೊದಲ ಟೆಸ್ಟ್‌ ಪಂದ್ಯ ನಡೆಯುತ್ತಿದೆ.ಎರಡು ಟೆಸ್ಟ್‌ ಪಂದ್ಯಗಳ ಸರಣಿಯ ಮೊದಲ ಪಂದ್ಯದಲ್ಲಿ ಟೀಂ ಇಂಡಿಯಾ ಟಾಸ್‌ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದೆ.ವಿರಾಟ್‌ ಕೊಹ್ಲಿ ಅವರು ಟೆಸ್ಟ್‌ ಕ್ರಿಕೆಟ್‌ನಲ್ಲಿ 7962 ರನ್‌ ಗಳಿಸಿದ್ದು, 8000 ರನ್‌ಗಳ ಗಡಿಯಲ್ಲಿದ್ದಾರೆ.