ಬಾಲಿವುಡ್‌ ಜಗತ್ತು ರಣವೀರ್‌ ಅವರ ಈ ಪ್ರಯತ್ನವನ್ನು ಶ್ಲಾಘಿಸಿದೆ. ‘ರಣವೀರ್‌ ಪಾತ್ರಕ್ಕೆ ನ್ಯಾಯ ಒದಗಿಸಿಕೊಡಲು ಏನು ಬೇಕಾದರೂ ಮಾಡುತ್ತಾರೆ. ಹಿಂದಿನ ಚಿತ್ರಕ್ಕಾಗಿ ದೇಹ ಬೆಳೆಸಿಕೊಂಡಿದ್ದ ರಣವೀರ್‌ ಈಗ ಮೂಳೆ ಚರ್ಮದ ಸಣ್ಣನೆಯ ದೇಹಧಾರಿಯಾಗಿದ್ದಾರೆ’ ಎಂದು ಮೆಚ್ಚುಗೆ ವ್ಯಕ್ತವಾಗಿದೆ. ರಣವೀರ್‌ ಅವರ ಚಿತ್ರಕ್ಕೆ ಮೆಚ್ಚುಗೆ ವ್ಯಕ್ತವಾಗಿರುವಂತೆ ಸಾಕಷ್ಟು ಟ್ರೋಲ್‌ ಕೂಡ ಆಗಿದೆ. ಸಂಬಳ, ಮದುವೆ, ಚುನಾವಣೆ, ಕ್ರಿಕೆಟ್‌ ಹೀಗೆ ಬೇರೆ ಬೇರೆ ಕ್ಷೇತ್ರದ ವಿಷಯವನ್ನಿಟ್ಟುಕೊಂಡು ಈ ಚಿತ್ರಕ್ಕೆ ತಮ್ಮದೇ ಆದ ರೀತಿಯಲ್ಲಿ ಶೀರ್ಷಿಕೆ ಹಾಕಿ ಅನೇಕರು ಶೇರ್‌ ಮಾಡಿದ್ದಾರೆ.
