‘ಪ್ರೇಮಬರಹ’ದ ಸಸ್ಪೆನ್ಸ್‌

ಈ ಚಿತ್ರದಲ್ಲಿ ಚಂದನ್‌, ಐಶ್ವರ್ಯಾ ಇಬ್ಬರದೂ ಪತ್ರಕರ್ತರ ಪಾತ್ರ. ಅರ್ಜುನ್ ಸರ್ಜಾ ಅವರ ಪ್ರವೇಶದೊಂದಿಗೆ ಟ್ರೇಲರ್‌ ಆರಂಭವಾಗುತ್ತದೆ. ಪ್ರೀತಿ, ಪ್ರೇಮ, ಪ್ರೇಮಿಗಳ ಕಿತ್ತಾಟ, ಹಾಸ್ಯ ಎಲ್ಲವೂ ಈ ಚಿತ್ರದಲ್ಲಿರುವಂತೆ ಕಾಣುತ್ತದೆ. ಕೊನೆಯ ದೃಶ್ಯ ರೋಮಾಂಚನಕಾರಿಯಾಗಿದೆ. ಬೆಂಕಿಯುಂಡೆಯ ಮಧ್ಯದಿಂದ ಪಾರಾಗಿ ಚಂದನ್‌ ಹಾಗೂ ಐಶ್ವರ್ಯಾ ಓಡಿಬರುವ ದೃಶ್ಯ ನೋಡಿದರೆ ಚಿತ್ರದ ಕತೆಯ ಬಗ್ಗೆ ಕುತೂಹಲ ಹುಟ್ಟುತ್ತದೆ.

</p><p>‘ಪ್ರೇಮಬರಹ’ದ ಮೊದಲ ನೋಟದಲ್ಲೇ ಐಶ್ವರ್ಯಾ ಮನ ಸೆಳೆಯುತ್ತಾರೆ. ಅರ್ಜುನ್‌ ಜನ್ಯಾ ಸಂಗೀತ ನೀಡಿರುವ ಈ ಚಿತ್ರದ ಹಾಡುಗಳು ಈಗಾಗಲೇ ಸಾಮಾಜಿಕ ಜಾಲತಾಣಗಳಲ್ಲಿ ಸದ್ದು ಮಾಡುತ್ತಿವೆ. ಚಿತ್ರದ ಹಾಡೊಂದರಲ್ಲಿ ದರ್ಶನ್‌‌‌ ಕೂಡಾ ಎಂಟ್ರಿ ಕೊಡುತ್ತಾರೆ. ಅವರದು ಅತಿಥಿ ಪಾತ್ರ. ಪ್ರಕಾಶ್‌ ರೈ, ಸುಹಾಸಿನಿ, ಮಂಡ್ಯ ರಮೇಶ್‌, ಸಾಧು ಕೋಕಿಲ, ರಂಗಾಯಣ ರಘು ತಾರಾಬಳಗದಲ್ಲಿದ್ದಾರೆ.</p></p>