ಅದರಲ್ಲೂ ನಗರ ಪ್ರದೇಶದಲ್ಲಿ ಬೆಳಗ್ಗಿನಿಂದಲೇ ಮತದಾನ ಪ್ರಮಾಣ ತೀರಾ ನೀರಸವಾಗಿದೆ. ಬಿಸಿಲಧಗೆ ಹೆಚ್ಚಿದ್ದು ಮತದಾರರು ಮತಗಟ್ಟೆಗಳತ್ತ ಸುಳಿಯುತ್ತಿಲ್ಲ. ಕೆಲವೆಡೆ ಯುವಕರಿಗಿಂತ ಹಿರಿಯರು ಹೆಚ್ಚಿನ ಸಂಖ್ಯೆಯಲ್ಲಿ ಮತದಾನ ಮಾಡುತ್ತಿದ್ದದ್ದು ಕಂಡುಬಂತು.
ಕ್ಷೇತ್ರದಲ್ಲಿ ಬೆಳಿಗ್ಗೆ 9 ಗಂಟೆ ವೇಳೆಯಲ್ಲಿ ಶೇ 7.79 ಮತದಾನವಾಗಿತ್ತು. 11 ಗಂಟೆ ವೇಳೆಗೆ ತುಸು ಚೇತರಿಸಿಕೊಂಡು ಶೇ 19.99 ಮತದಾನವಾಗಿದೆ. ಕ್ಷೇತ್ರ ವ್ಯಾಪ್ತಿಯ ಮಡಿಕೇರಿ (ಶೇ 27.79), ವಿರಾಜಪೇಟೆ (ಶೇ 30.65), ಪಿರಿಯಾಪಟ್ಟಣ (ಶೇ 19.78), ಹುಣಸೂರು (ಶೇ 21.61), ಚಾಮುಂಡೇಶ್ವರಿ (ಶೇ 17.93), ಕೃಷ್ಣರಾಜ (ಶೇ 15.96), ಚಾಮರಾಜ (ಶೇ 19.12), ನರಸಿಂಹರಾಜ (ಶೇ 10.17) ಮತದಾನವಾಗಿದೆ.
