ಸಿರಿವಂತ ಜಗತ್ತಿನ ಬಡವರು

7

ಸಿರಿವಂತ ಜಗತ್ತಿನ ಬಡವರು

Published:
Updated:

ಇದು ಸಿರಿವಂತ ಜಗತ್ತು. ಇಲ್ಲಿ ಎಲ್ಲವೂ ಇದೆ. ನಿಸರ್ಗ ನಾವು ಬರುವ ಮುನ್ನವೇ, ನಮಗಾಗಿ ಎಲ್ಲವನ್ನೂ ಸಿದ್ಧಗೊಳಿಸಿಟ್ಟಿದೆ. ಸಂತೋಷವಾಗಿ ಅನುಭವಿಸುವುದಷ್ಟೇ ನಮ್ಮ ಪಾಲಿಗಿದೆ. ಕೊರತೆ ಎಂಬುದೇ ಇಲ್ಲ. ಎಷ್ಟು ನೋಡಿದರೂ ಮುಗಿಯದಷ್ಟು ವಿಶಾಲವಾದ ಆಕಾಶ... ವೈವಿಧ್ಯಮಯ ಬಣ್ಣಗಳ ವರ್ಣಮಯ ಜಗತ್ತು... ಮಧುರವಾದ ಪಕ್ಷಿಗಳ ಇಂಚರ... ಹೂವುಗಳ ಅಹ್ಲಾದಕರ ಪರಿಮಳ... ಏನೆಲ್ಲವು ಉಂಟು. ಇಂಥ ಸಮೃದ್ಧವಾದ ಸಂಪತ್ತನ್ನು ಅರಿಯದೇ ನಾವು ಬಡವರಂತೆ ಬದುಕುತ್ತಿದ್ದೇವೆ.

ಬಾಹ್ಯದಲ್ಲಿ ಅನ್ನ ನೀರುಗಳೇ ಸಂಪತ್ತು. ಅಂತರಂಗದಲ್ಲಿ ಆನಂದ -ಪ್ರಶಾಂತಿಗಳ ಸಂಪತ್ತು. ಇಂಥ ಸಂಪತ್ತುಗಳ ಮಧ್ಯ ಬದುಕಿರುವ ನಾವು ಶ್ರೀಮಂತರಲ್ಲವೇನು ? ದೇವರು ನಮಗೆ ಕೊಟ್ಟದ್ದು ಪರುಷ ಪಾತ್ರೆ. ಪರುಷ ಮುಟ್ಟಿದ್ದೆಲ್ಲವೂ ಬಂಗಾರ. ಅದು ಪರುಷ ಪಾತ್ರೆ ಎಂದು ಅರಿಯದ ನಾವು ಅದನ್ನು ಭಿಕ್ಷಾಪಾತ್ರೆಯನ್ನಾಗಿಸಿದ್ದೇವೆ. ಮನಸ್ಸು- ಅಂತಃಕರುಣ ಎಂಬ ಪರುಷಮಣಿ ನಮ್ಮಲ್ಲಿದೆ. ಅದನ್ನು ಕಾಣದ ನಾವು ಕುರುಡರಾಗಿದ್ದೇವೆ. ಇದ್ದೂ ಇಲ್ಲದಂತಾಗುವುದೇ ಮಾಯೆ. ಬೆಳಕು ಇದೆ. ಆದರೆ ನಾವು ಕಣ್ಣು ಮುಚ್ಚಿದ್ದೇವೆ. ಕಾರಣ ಸುತ್ತೆಲ್ಲಾ ಕತ್ತಲೆ ಎಂದು ಭಾವಿಸಿದ್ದೇವೆ.

ಜಗತ್ತಿನಲ್ಲಿ ಹಣ -ಒಡವೆಗಳು ಸಂಪತ್ತಲ್ಲ. ಅಧಿಕಾರ, ಬಹುಸಂಖ್ಯೆ, ಸ್ಥಾನಮಾನ... ಯಾವವೂ ಸಂಪತ್ತಲ್ಲ. ಅನ್ನ ಬೆಳೆಯುವ ಭೂಮಿ, ಬೆಳಕು ಹರಿಸುವ ಸೂರ್ಯ, ಸೃಷ್ಟಿ ಸೌಂದರ್ಯ, ಮನುಷ್ಯನ ಹೃದಯವಂತಿಕೆಗಳೇ ನಿಜವಾದ ಸಂಪತ್ತು. ಭೂಮಿಯನ್ನು ವಸುಧಾ ಎನ್ನುತ್ತಾರೆ. ವಸು ಎಂದರೆ ಸಂಪತ್ತು. ಧಾ ಎಂದರೆ ಧರಿಸಿದ್ದು.

ವಸುಧೆಯ ದೈವದತ್ತವಾದ ಸಂಪತ್ತನ್ನು ಅನುಭವಿಸುವುದು... ಆನಂದಿಸುವುದು... ಅದನ್ನು ದಯ ಪಾಲಿಸಿದ ದೈವವನ್ನು ಕೃತಜ್ಞತೆಯಿಂದ ಸ್ಮರಿಸುವುದು. ಆ ಮೂಲಕ ಸ್ವಸ್ಥರಾಗುವುದು. ಇತರರಿಗೂ ಸ್ವಾಸ್ಥ್ಯವನ್ನು ಬಯಸುವುದು ನಮ್ಮ ಕರ್ತವ್ಯ. ಇದನ್ನೇ ಸ್ವಸ್ಥಿವಚನ ಎಂದು ಕರೆಯುತ್ತಾರೆ.

ಸಂಗ್ರಹ: ಸುಭಾಸ ಯಾದವಾಡ

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !