ಗುವಾಹಟಿ: ಆತಿಥೇಯ ಬಾಕ್ಸಿಂಗ್ ಪಟುಗಳು ಶುಕ್ರವಾರ ಇಲ್ಲಿ ಮುಕ್ತಾಯವಾದ ಇಂಡಿಯಾ ಓಪನ್ ಬಾಕ್ಸಿಂಗ್ ಚಾಂಪಿಯನ್ಷಿಪ್ನಲ್ಲಿ 12 ಪದಕಗಳನ್ನು ಗೆದ್ದರು.
ಹೋದ ವರ್ಷ ನಡೆದಿದ್ದ ಟೂರ್ನಿಯಲ್ಲಿ ಭಾರತ ತಂಡವು ಆರು ಪದಕಗಳನ್ನು ಗೆದ್ದಿತ್ತು. ಈ ಬಾರಿ ಅದು ದುಪ್ಪಟ್ಟಾಗಿದೆ.
ಮಹಿಳೆಯರ ಮಹಿಳೆಯರ 51 ಕೆ.ಜಿ. ವಿಭಾಗದ ಫೈನಲ್ನಲ್ಲಿ ಮೇರಿ ಕೋಮ್ ಅವರು ವನಲಾಲ್ ವಿನತ್ ಅವರನ್ನು ಮಣಿಸಿ ಚಿನ್ನ ಗೆದ್ದರು.
ಪುರುಷರ ವಿಭಾಗದಲ್ಲಿ ಅಮಿತ್ ಪಂಘಾಲ್ ಅವರು 4–1ರಿಂದ ಸಚಿನ್ ಸಿವಾಚ್ ವಿರುದ್ಧ ಜಯಿಸಿದರು. ಪುರುಷರ ವಿಭಾಗದಲ್ಲಿ (52ಕೆ.ಜಿ. 81 ಕೆ.ಜಿ., 91. ಕೆ.ಜಿ ಮತ್ತು 91 ಕೆ.ಜಿ. ಮೇಲಿನವರ) ವಿಭಾಗದಲ್ಲಿ ಚಿನ್ನದ ಪದಕಗಳು ಒಲಿದವು.
ಆದರೆ ಈ ಬಾರಿಯ ಟೂರ್ನಿಯಲ್ಲಿ ಉಜ್ಬೇಕಿಸ್ತಾನದ ಬಾಕ್ಸಿಂಗ್ ಪಟುಗಳು ಮಂಕಾದರು. ಹೋದ ವರ್ಷ ಉತ್ತಮವಾದ ಸಾಧನೆ ಮಾಡಿದ್ದರು.
‘ಈ ಪದಕವನ್ನು ನಾನು ಅಪ್ಪ–ಅಮ್ಮನಿಗೆ ಅರ್ಪಿಸುತ್ತೇನೆ. ಇತ್ತೀಚೆಗೆ ಅಪ್ಪ ನನ್ನನ್ನು ಅಗಲಿದ್ದರು’ ಎಂದು ಮೇರಿ ಹೇಳಿದರು.