ಬೆಂಗಳೂರು:ಸ್ಟೀವ್ ಸ್ಮಿತ್ ಅವರ ಅಮೋಘ ಶತಕದ (131) ನೆರವಿನಿಂದ ಅತಿಥೇಯ ಭಾರತ ತಂಡದ ವಿರುದ್ಧದ ಮೂರನೇ ಏಕದಿನ ಪಂದ್ಯದಲ್ಲಿ ಆಸ್ಟ್ರೇಲಿಯಾ ತಂಡ9ವಿಕೆಟ್ ನಷ್ಟಕ್ಕೆ286ರನ್ ಗಳಿಸಿ ಸವಾಲಿನ ಮೊತ್ತ ಪೇರಿಸಿದೆ.
ನಗರದ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್‌ ಗೆದ್ದಆಸ್ಟ್ರೇಲಿಯಾ ತಂಡದ ನಾಯಕ ಆ್ಯರನ್ ಫಿಂಚ್ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದ್ದರು.
18 ರನ್ ಗಳಿಸುವಷ್ಟರಲ್ಲೇ ಮೊದಲ ವಿಕೆಟ್ ಕಳೆದುಕೊಂಡಿದ್ದ ಆಸ್ಟ್ರೇಲಿಯಾ ಪರ ಎಚ್ಚರಿಕೆಯ ಆಟವಾಡಿದ ಸ್ಟೀವ್ ಸ್ಮಿತ್132 ಎಸೆತಗಳಲ್ಲಿ 131 ರನ್ ಗಳಿಸಿದರು. ಅವರ ಇನ್ನಿಂಗ್ಸ್‌ನಲ್ಲಿ14 ಬೌಂಡರಿ ಮತ್ತು1 ಸಿಕ್ಸರ್‌ ದಾಖಲಾಗಿವೆ.
ತಂಡದ ಮೊತ್ತ 46 ಆದಾಗ ನಾಯಕ ಆ್ಯರನ್ ಫಿಂಚ್ ರನೌಟ್ ಆದರು.2 ವಿಕೆಟ್ ಕಳೆದುಕೊಂಡು ತಂಡವು ಸಂಕಷ್ಟಕ್ಕೆ ಸಿಲುಕಿದಾಗ ಸ್ಮಿತ್ ಹಾಗೂಮಾರ್ನಸ್ ಲಾಬುಶೇನ್ ಆಸರೆಯಾದರು.ಇವರಿಬ್ಬರ ಜತೆಯಾಟದಲ್ಲಿ ತಂಡವು 127 ರನ್ ಕಲೆ ಹಾಕಿತು. ತಂಡದ ಮೊತ್ತ 173 ಆಗಿದ್ದಾಗ ಜಡೇಜಾ ಬೌಲಿಂಗ್‌ನಲ್ಲಿಮಾರ್ನಸ್ ಲಾಬುಶೇನ್ ಕೊಹ್ಲಿಗೆ ಕ್ಯಾಚ್ ನೀಡಿ ನಿರ್ಗಮಿಸಿದರು. ಬಳಿಕ ಕ್ರೀಸಿಗಿಳಿದ ಮಿಚೆಲ್ ಸ್ಟಾರ್ಕ್ ಕೂಡಲೇ ಔಟಾದರು. ಅಲೆಕ್ಸ್ ಕ್ಯಾರಿ 36 ಎಸೆತಗಳಲ್ಲಿ 35 ರನ್ ಗಳಿಸಿ ಔಟಾದರು. ನಂತರಸ್ಮಿತ್ ವೇಗದ ಆಟಕ್ಕೆ ಒತ್ತು ನೀಡಿದರು.
ಭಾರತದ ಪರ ಮೊಹಮ್ಮದ್ ಶಮಿ4,ನವದೀಪ್ ಸೈನಿ 1, ಕುಲದೀಪ್ ಯಾದವ್ 1 ಮತ್ತು ರವಿಂದ್ರ ಜಡೇಜಾ 2 ವಿಕೆಟ್ ಗಳಿಸಿದ್ದಾರೆ.
ಎರಡೂವರೆ ವರ್ಷಗಳ ಹಿಂದಷ್ಟೇ ಇಲ್ಲಿ ನಡೆದಿದ್ದ ಏಕದಿನ ಪಂದ್ಯದಲ್ಲಿ ರಾಹುಲ್‌ಗೆ ಕಣಕ್ಕಿಳಿಯುವ ಅವಕಾಶ ಸಿಕ್ಕಿರಲಿಲ್ಲ. ಬೆಂಚ್ ಮೇಲೆ ಕುಳಿತು ಪಂದ್ಯ ನೋಡಿದ್ದರು. #IndVSAus#Cricket https://t.co/p3XkSFrOtD
