ವಿಶ್ವಕಪ್ ಪದಕ ಕಳೆದುಕೊಂಡ ಜೋಫ್ರಾ!

‘ಲಾಕ್‌ಡೌನ್‌ಗಿಂತ ಮೊದಲು ಮನೆ ಬದಲಾಯಿಸಿದೆ. ಮೊದಲಿದ್ದ ಮನೆಯ ಗೋಡೆಯ ಮೇಲಿದ್ದ ಚಿತ್ರವೊಂದರ ಮೇಲೆ ಪದಕವನ್ನು ನೇತುಹಾಕಿದ್ದೆ. ಆದರೆ, ನಾನು ಬೇರೆ ಮನೆಪ್ರವೇಶಿಸಿದ ನಂತರ ಸರಂಜಾಮುಗಳನ್ನು ಹೊಂದಿಸುವಾಗಲೇ ಪದಕ ಇಲ್ಲದಿರುವುದು ಗಮನಕ್ಕೆ ಬಂತು. ಮರಳಿ ಆ ಮನೆಗೆ ಹೋಗಿ ನೋಡಿದೆ. ಪೋಸ್ಟರ್‌ ಇತ್ತು. ಪದಕ ಇರಲಿಲ್ಲ. ಒಂದು ವಾರವಿಡೀ ಎರಡೂ ಮನೆಯನ್ನು ಜಾಲಾಡಿದೆ’ ಎಂದು ಜೋಫ್ರಾ ಬಿಬಿಸಿ ರೇಡಿಯೊಗೆ ತಿಳಿಸಿದ್ದಾರೆ.

‘ಪದಕ ಕಳೆದುಹೋಗಿರುವುದರಿಂದ ಒಂದು ರೀತಿ ಹುಚ್ಚು ಹಿಡಿದಂತಾಗಿದೆ. ಗೃಹಬಂಧನದಲ್ಲಿರುವುದರಿಂದ ಹೊರಗೆ ಹೋಗಿ ಹುಡುಕಲು ಆಗುತ್ತಿಲ್ಲ. ಈ ಮನೆಯಲ್ಲಿ ಎಷ್ಟು ಹುಡುಕಿದರೂ ಸಿಗುತ್ತಿಲ್ಲ’ ಎಂದು ಬಾರ್ಬಡಿಸ್ ಮೂಲದ ಜೋಫ್ರಾ ಹೇಳಿದ್ದಾರೆ.

ಇಂಗ್ಲೆಂಡ್ ತಂಡವು ಮೊದಲ ಸಲ ವಿಶ್ವಕಪ್ ಜಯಿಸುವಲ್ಲಿ ಜೋಫ್ರಾ ಅವರ ಬೌಲಿಂಗ್ ಕೂಡ ಪ್ರಮುಖ ಪಾತ್ರ ವಹಿಸಿತ್ತು.