ಆರ್ಚರಿ: ಭಾರತ ಮಹಿಳಾ ತಂಡಕ್ಕೆ ಕಂಚು

ರಿಧಿ ಪೋರ್, ಕೊಮಲಿಕಾ ಬಾರಿ ಮತ್ತು ಅಂಕತಾ ಭಕತ್ ಅವರಿದ್ದ ತಂಡವು ಪ್ಲೇ ಆಫ್‌ನಲ್ಲಿ 6–2(56-52, 54-51, 54-55, 55-54) ರಿಂದ ಚೈನಿಸ್ ತೈಪೆ ವಿರುದ್ಧ ಗೆದ್ದಿತು.

ನಿರಂತರ ಉತ್ತಮ ಸಾಮರ್ಥ್ಯವನ್ನು ತೋರಿದ ಮಹಿಳಾ ತಂಡವು ಮೂರು ಪರ್ಫೆಕ್ಟ್ ಟೆನ್ ಗಳಿಸಿತು. ಮೊದಲ 12 ಬಾಣಗಳ ಗುರಿಯಲ್ಲಿ 4–0ಯಿಂದ ಮುನ್ನಡೆ ಗಳಿಸಿತು. ಮೂರನೇ ಸೆಟ್‌ನಲ್ಲಿ ಎರಡು ಬಾಣಗಳು (8–8) ಕೆಂಪು ವೃತ್ತದಲ್ಲಿ ನಾಟಿದ್ದು ಹಿನ್ನಡೆಗೆ ಕಾರಣವಾದವು.

ಮುಂದಿನ ಸೆಟ್‌ನಲ್ಲಿ ತಿರುಗೇಟು ನೀಡಿದ ಭಾರತ ತಂಡವು ಒಂದು ಬಾರಿ ಹತ್ತು ಮತ್ತು ಐದು ಸಲ 9 ಅಂಕಗಳನ್ನು ಗಳಿಸಿತು. ನಂತರದ ಸೆಟ್‌ಗಳಲ್ಲಿ ಯೂ ಪಾರಮ್ಯ ಮೆರೆಯಿತು.

ಕಂಚಿನ ಪದಕದ ಸುತ್ತಿಗೂ ಮುನ್ನ ನಡೆದ ಸೆಮಿಫೈನಲ್‌ನಲ್ಲಿ ಭಾರತ ತಂಡವು 2–6ರಿಂದ ದಕ್ಷಿಣ ಕೊರಿಯಾ ವಿರುದ್ಧ ಸೋತಿತ್ತು.

ಪುರುಷರ ವಿಭಾಗದಲ್ಲಿ ಎಂಟರ ಘಟ್ಟದಲ್ಲಿ ಭಾರತವು 2–6 (54-57, 55-52, 53-55, 47-53) ರಿಂದ ಫ್ರಾನ್ಸ್ ವಿರುದ್ಧ ಪರಾಭವಗೊಂಡಿತು.